मुख्यमंत्री ल लुई ब्रेल जयंती समारोह के नेंवता

रायपुर, 22 नवम्बर 2017। मुख्यमंत्री डॉ. रमन सिंह ले आज इहां ऊंखर निवास कार्यालय म राजनांदगांव ले आए संस्कार श्रद्धांजलि संगठन के प्रतिनिधि मंडल ह सौजन्य मुलाकात करिस। संगठन के अध्यक्ष श्री सतीश भट्टर ह मुख्यमंत्री ल बताइस कि राजनांदगांव म चार जनवरी ले ब्रेल लिपि के आविष्कारक लुई ब्रेल के जयंती के अवसर म दृष्टिबाधित मन के अखिल भारतीय महासम्मेलन आयोजित होना हे। उमन मुख्यमंत्री ल ए महा सम्म्मेलन म मुख्य अतिथि के रूप म सामिल होए के आमंत्रण दीन।




उमन मुख्यमंत्री ल बताइन संस्कार श्रद्धांजलि संगठन कोति ले दृष्टिबाधित मन के शिक्षा, कौशल विकास के संग समय-समय म दृष्टिबाधित मन के सामूहिक विवाह समारोह घलोक आयोजित करे जाथे। मुख्यमंत्री ह संगठन कोति ले करे जात अच्छा काम मन के प्रशंसा करिन। प्रतिनिधि मंडल ह मुख्यमंत्री ले चर्चा के समय कहिन कि छत्तीसगढ़ दुनिया म अकेल्‍ला राज्य हे, जिहां राज्य शासन कोति ले लुई ब्रेल के जयंती म साल 2010 ले शासकीय कार्यालय मन म ऐच्छिक अवकाश घोषित करे गए हे। उमन एखर बर मुख्यमंत्री ल धन्यवाद दीन।