मुख्यमंत्री ल राज्य स्तरीय पंथी नृत्य प्रतियोगिता के समापन समारोह के नेंवता

रायपुर, 22 नवम्बर 2017। मुख्यमंत्री डॉ. रमन सिंह ले आज इहां ऊंखर निवास कार्यालय म पर्यटन अउ संस्कृति मंत्री श्री दयालदास बघेल के नेतृत्व म बेमेतरा जिला के नवागढ़ ले आए नागरिक मन के प्रतिनिधि मंडल ह सौजन्य मुलाकात करिन। उमन नवागढ़ म अवइया महिना गुरूघासीदास जयंती के अवसर म आयोजित करे जात राज्य स्तरीय पंथी नृत्य प्रतियोगिता के समापन समारोह म मुख्य अतिथि के रूप म सामिल होए के आमंत्रण मुख्यमंत्री ल दीन। मुख्यमंत्री ह आमंत्रण बर धन्यवाद देवत आयोजन के सफलता बर शुभकामना दीन। प्रतिनिधि मंडल म नगर पंचायत नवागढ़ के अध्यक्ष श्री गिरेन्द्र महिलांग संग सर्वश्री खेलू टंडन, लखन महिलांग, अलेन्द्र दास संग बड़ी संख्या म नागरिक सामिल रहिन।