भारत अतंर्राष्ट्रीय व्यापार मेला : ऑनलाईन अउ सोशल मीडिया के माध्यम ले छत्तीसगढ़ के उद्यमी करत हे अपने उत्पाद मन के विक्रय

रायपुर, 23 नवम्बर 2017। भारत अंतर्राष्ट्रीय व्यापार मेंला म छत्तीसगढ़ के छोटे उद्यमी मन अउ निर्मातामन ल अपन उत्पाद मन के विक्रय बर एक नवा मंच मिल गए हे। ओ मन ऑनलाईन या सोशल मीडिया के कई ठन माध्यम मन ले जुडके अपन उत्पाद मन के विक्रय करत हें। नई दिल्ली के प्रगति मैदान के हैंगर एक म छत्तीसगढ़ के मण्डप मेला म आवइया या सोशल मीडिया के माध्यम ले उत्पाद मन ल खरीदे अउ बेंचइया मन बर एक विशेष आर्कषण के केन्द्र बने हे।
मेला म छत्तीसगढ़ के रायगढ़ जिला ले आये कोसा ले तइयार कई प्रकार के कपडा के बेचइया श्री मनोज देवांगन बताथें कि, ऊंखर जइसे छत्तीसगढ़ के बहुत अकन लद्यु विक्रेता मन ह ऑनलाईन या सोशल मीडिया के संग अपन व्यावसाय ल तेजी ले फैलावत हें। उमन बताइन कि नई दिल्लीच के बहुत अकन खरीदार मन ह अलग-अलग नांव मन ले वाट्सअप ग्रुप बनाए हें। जेमां अलग-अलग क्षेत्र मन ले मनखे जुडे़ हें। उमन बताइन कि सोशल मीडिया के माध्यम ले जुडे़ खरीदार मन ह हमर ले उत्पाद मन के मूल्य अउ सूची मांगे जाथे, वो खरीदार मन से हमार उत्पाद के फोटो मूल्य संग अपन गु्रप म ग्राहक मन ल भेजे जाथे। ग्राहक मन उत्पाद ल पसंद करथें त हमला उत्पाद ल संबंधित पता म डिलिवरी बर कहे जाथे। ये पगकार हमला एके जघा अडबड अकन अपन उत्पाद मन ल बेचे बर एक मंच मिल गए हे। अऊ सोशल मीडिया ले जुडे खरीदार मन ल एखर एवज म छोटकुन कमिशन घलोक मिलत हे।
ई-कॉर्मस के माध्यम ले व्यवसाय करइया छत्तीसगढ़ के भिलाई निवासी स्नेहा बताथें कि, ऑनलाईन व्यवसाय के माध्यम ले हम सीधा निर्माता मन ले संपर्क कर सकत हन। ए माध्यम के संग उत्पाद के चयन करे बर हर बेचइया तीर नइ जाए ल परय। ओ मन कहिथें कि इनकर कारोबार म छत्तीसगढ़ के कोसा रेशम साड़ी के बहुत बड मांग हे।