राज्यपाल ह श्री अग्रवाल ल राज्य सूचना आयुक्त पद के देवाइस शपथ : राजभवन म होइस समारोह

रायपुर, 24 नवंबर 2017। राज्यपाल श्री बलरामजी दास टंडन ह आज इहां राजभवन म श्री अशोक अग्रवाल ल राज्य सूचना आयोग के सूचना आयुक्त पद के शपथ देवाइन। श्री अग्रवाल ह हिन्दी म ईश्वर के नाम ले शपथ लीन। ए अवसर म राज्य के पहिली महिला श्रीमती बृजपाल टंडन, राज्यपाल के सचिव श्री सुरेन्द्र कुमार जायसवाल, राज्य सूचना आयोग के राज्य सूचना आयुक्त द्वय श्री ए.के. सिंह, श्री मोहन पवार, राज्यपाल के विधिक सलाहकार श्री एन. के चंद्रवंशी, उपसचिव श्री जनमेजय महोबे संग राज्य सूचना आयोग अऊ राजभवन के अधिकारी विशेष रूप ले उपस्थित रहिन।




कार्यक्रम के संचालन सामान्य प्रशासन विभाग के विशेष सचिव सुश्री रीता शांडिल्य ह करिन। आप मन जानतेच हव कि श्री अग्रवाल भारतीय प्रशासनिक सेवा के छत्तीसगढ़ कैडर के सेवानिवृत्त अधिकारी हें।