नागरिक मन के समस्या मन अऊ दिक्‍कत मन ल दूर करे जादा ले जादा उदीम करंय अधिकारी – प्रभारी मंत्री श्री बघेल

महासमुंद, 27 नंवबर 2017। सहकारिता, संस्कृति अउ पर्यटन मंत्री अउ जिला के प्रभारी मंत्री श्री दयालदास बघेल ह आज महासमुंद जिला के बसना म जिला अधिकारी मन के बैठक लेत हिदायत दीन कि नागरिक मन के समस्या मन अऊ दिक्‍कत मन ल दूर करे बर जादा ले जादा उदीम करव अउ नागरिक मन ल कई ठन शासकीय योजना मन अउ कार्यक्रम मन ले लाभान्वित करावव। बैठक म संसदीय सचिव अउ क्षेत्रीय विधायक श्रीमती रूपकुमारी चौधरी, अक्षय ऊर्जा विकास एजेंसी (क्रेडा) के अध्यक्ष श्री पुरंदर मिश्रा, छत्तीसगढ़ माटी कला बोर्ड के अध्यक्ष श्री चंद्रशेखर पाड़े, जिला पंचायत के मुख्य कार्यपालन अधिकारी श्री ऋतुराज रघुवंशी, अकतहा जिला दण्डाधिकारी श्री ओंकार यदु, अनुविभागीय दण्डाधिकारी सरायपाली सुश्री नुपुर राशि पन्ना संग जनप्रतिनिधिगण, जिला स्तरीय अधिकारी उपस्थित रहिन।