मुख्यमंत्री स्वास्थ्य बीमा योजना : बनिस नागरिक मन बर अऊ उपयोगी अऊ सुविधाजनक

महासमुंद 01 दिसंबर 2017। मुख्यमंत्री स्वास्थ्य बीमा योजना अब नागरिक मन बर अऊ उपयोगी अऊ सुविधाजनक बन गए हे। एखर माध्यम ले अब स्मार्ट कार्डधारी परिवार के सदस्य पंजीकृत चिकित्सालय मन म प्रति कुटुंब प्रतिवर्ष 30 हजार के बजाय 50 हजार रूपिया तक नगद रहित ईलाज करा सकत हें। ए योजना ले नागरिक म न ल ईलाज म सब सुविधा मिलथे अऊ ओ मन अब अपन अउ अपन परिवार के सदस्य मन के ईलाज मनचाहे चिकित्सालय मन म करा पावत हें। ए सुविधा ह सैकड़ों-हजारों परिवार मन ल आर्थिक हानि ले बचाए हे अऊ ओ मन ल पइसा नइ होए के स्थिति म घलोक ईलाज कराए जाय के सुविधा देहे हे।




हम आप ल बता देवन कि महासमुंद जिला म साल 2013 ले ये योजना संचालित हे। साल 2013 ले अभी तक ए योजना के अंतर्गत 39 हजार 424 परिवार मन ल स्मार्ट कार्ड देहे गए हे अऊ साल 2013 ले अभी तक 23 हजार 967 मनखे मन ह महासमुंद जिला अउ महासमुंद जिला के बाहिर स्थित योजना के अंतर्गत पंजीकृत शासकीय अउ निजी चिकित्सालय मन म निा पइसा के ईलाज करवाये हें। ए योजना ले संबंधित जादा जानकारी, शिकायत/समस्या के निदान बर टोल फ्री नम्बर 104 के माध्यम ले 24 घण्टा सहायता मिलथे। कहूं ए योजना ले पंजीकृत कोनो संस्था स्मार्ट काडऱ्धारक मरीज मन के राष्ट्रीय अउ मुख्यमंत्री स्वास्थ्य बीमा योजना के दिशा-निर्देश मन के अनुसार निरधारित पैकेज म इलाज नइ करंय या कोनो कारणवश अकतहा पइसा के मांग करत हें, त एखर शिकायत घलोक करे जा सकत हे। सा‍हेब मन के कहिना हे कि, पहिली ले मिले स्मार्ट कार्ड ल नवीनीकरण कराए के जरूरत नइ हे। जिला म साल 2013 अउ ओखर बाद बने सबो स्मार्ट कार्ड 1 अकटूबर 2017 ले अपने आप नवीनीकृत हो जाही।




ये योजना के अंतर्गत जिला म 7 शासकीय अउ 13 निजी चिकित्सालय पंजीकृत हे। एखर तहत जिला चिकित्सालय, महासमुंद, सामुदायिक स्वास्थ्य केन्द्र तुमगांव, बागबाहरा, पिथौरा, बसना, सरायपाली, प्राथमिक स्वास्थ्य केन्द्र पटेवा, जैन नर्सिंग होम महासमुंद, चन्द्राकर डेंटल क्लिनिक महासमुंद, सांई डेंटल क्लिनिक महासमुंद, डॉ. मयंक चन्द्राकर डेंटल क्लिनिक महासमुंद, सांई नमन हॉस्पिटल तुमगांव, सेवा भवन अस्पताल जगदीशपुर, अग्रवाल नर्सिग होम बसना, साई डेंटल क्लिनिक बसना, बेतेल हॉस्पिटल रसोडा, अग्रवाल डेंटल अउ पॉली क्लिनिक सरायपाली, भारती हॉस्पिटल सरायपाली, अर्पिता हॉस्पिटल सरायपाली, किशोरी नर्सिंग होम, बरगढ़ म ये वाले योजना संचालित हे।