मुख्यमंत्री ह जूनियर शतरंज खिलाड़ी कियान अग्रवाल के महत्वपूर्ण उपलब्धि बर दीन बधाई

मुख्यमंत्री डॉ. रमन सिंह ले इहां ऊंखर निवास कार्यालय म प्रदेश के अंतर्राष्ट्रीय जूनियर शतरंज खिलाड़ी श्री कियान अग्रवाल (सात बछर के) ह सौजन्य मुलाकात करिस। ए अवसर म ऊंखर प्रशिक्षक श्री रविकुमार अऊ ऊंखर माता-पिता घलोक उपस्थित रहिन। प्रशिक्षक श्री रविकुमार ह मुख्यमंत्री ल बताइस कि कियान अग्रवाल ह शतरंज के राष्ट्रीय अऊ अंतर्राष्ट्रीय कई प्रतियोगिता मन म विजयी होके पदक प्राप्त करे हे। जुलाई 2017 म चीन म (सात साल तक के उम्र सीमा) बर आयोजित एशियन स्कूल चेस चैम्पियनशीप म देश के प्रतिनिधित्व करिस अऊ कास्यं पदक प्राप्त करिस। ए उपलब्धि बर वर्ल्ड चेस फेडरेशन (फिडे) ह केन्डिडेट मास्टर (सीएम) के उपाधि ले सम्मानित करिस। एखर से पहिली अपै्रल 2017 म रोमानिया म आयोजित स्कूल चैम्पियनशीप म घलोक 12वां स्थान प्राप्त करिस। संगेच जनवरी 2017 म आयोजित महाराष्ट्र के नागपुर म 6वां नैवेद्यम राष्ट्रीय शालेय शतरंज प्रतियोगिता म घलोक दूसर स्थान प्राप्त करिस। मुख्यमंत्री ह श्री कियान ल उंखर उपलब्धि मन बर बधाई अऊ शुभकामना दीन। उमन कहिन कि कियान छत्तीसगढ़ के गौरव हे। अतका छोटे उमर म शतरंज जइसे खेल म, अतका महत्वपूर्ण उपलब्धि हासिल करना काबिले तारीफ हे। निश्चित ही भविष्य म प्रदेशेच नहीं, पूरा देश के नाम ऊंचा करही। 

(adsbygoogle = window.adsbygoogle || []).push({});