तेंदुपत्ता बोनस तिहार : बोनस मिले ले दूर होइस मिच्चा के चिंता

बीजापुर 02 दिसम्बर 2017। तेंदुपत्ता बोनस तिहार कार्यक्रम म आज बीजापुर म तेंदुपत्ता संग्राहक श्री मिच्चा नीला 29 हजार 350 रूपिया के बोनस राशि पाके खुशी ले कूद परिस। उमन कहिन कि हम वनवासी मन बर तेंदुपत्ता के संग्रहण एक महत्वपूर्ण काम हे। ये हमर आमदनी के प्रमुख जरिया घलोक हे। ये मां सरकार से प्रोत्साहन स्वरूप बोनस के राशि घलोक देहे जात हे। ये वाले राशि पाए ले घर चलाय अऊ जरूरी चीज मन के बिवस्था करे के संबंध म मोर चिंता दूर हो गए हे। मोर कुटुंब म 16 सदस्य हे। एमां अधिकतर लइका हें। अब मैं ए राशि के उपयोग लइका मन के शिक्षा बर करहूं। मिच्चा नीला ह बताइस कि साल 2016 म वो ह 14 हजार 485 गड्डी तेंदुपत्ता के संग्रहण करे रहिस। एखर बर ओ ला ल अभी 29 हजार 350 रूपिया के बोनस राशि मिलिस हे।