तेंदुपत्ता बोनस तिहार : एरामंगी के लखमी के संवर गीस जिनगी

बीजापुर 02 दिसम्बर 2017। सरकार कोति ले तेंदुपत्ता प्रोत्साहन पारिश्रमिक (बोनस) के प्रदान करे ले ग्राम एरामंगी के रहवइया श्रीमती लखमी आरकी ह बहुत खुशी जताए हे। आज बीजापुर जिला मुख्यालय म आयोजित तेंदुपत्ता बोनस तिहार कार्यक्रम म श्रीमती आरकी ल 16 हजार 548 रूपया के बोनस राशि मिलिस। आरकी ह कहिस कि बोनस राशि पाके वोला जिनगी ल संवारे म बहुत मदद मिलही। ओ हर कहिस कि एकर उपयोग घर कुटुंब के जरूरी काम बर कर पाहूं। एखर ले हम अपन लइका मन के शिक्षा दीक्षा म घलोक खरचा कर सकबोन। अब हमला कोनो आन मेरन ले रूपिया उधार नइ ले ल परय। एखर ले हमला अपन कुटुंब के सुविधापूर्वक गुजर बसर म बहुत आसानी होही। श्रीमती आरकी कोति ले पाछू साल 2016 म तेंदुपत्ता संग्रहण के बेरा 9 हजार 600 गड्डी तेंदुपत्ता संग्रहण करे गए रहिस। जेखर आज गुदमा समिति के माध्यम ले 16 हजार 458 रूपिया के बोनस राशि देहे गीस।