अंतर्राष्ट्रीय दिव्यांगजन दिवस समारोह : राष्ट्रपति श्री कोविन्द ह छत्तीसगढ़ सरकार ल दीस राष्ट्रीय पुरस्कार

दिव्यांगजन मन के पुनर्वास योजना मन के सर्वश्रेष्ठ क्रियान्वयन म मिलीस आदर्श राज्य के पुरस्कार
मुख्यमंत्री डॉ. रमन सिंह ह दीस बधाई

रायपुर, 03 दिसम्बर 2017। राष्ट्रपति श्री रामनाथ कोविन्द ह आज नई दिल्ली के विज्ञान भवन म आयोजित अंतर्राष्ट्रीय दिव्यांगजन दिवस समारोह म छत्तीसगढ़ सरकार ल राष्ट्रीय पुरस्कार ले सम्मानित करे गीस। राष्ट्रपति के हाथ छत्तीसगढ़ के समाज कल्याण मंत्री श्रीमती रमशीला साहू ह ये वाले पुरस्कार ग्रहण करिन। मुख्यमंत्री डॉ. रमन सिंह ह ए महत्वपूर्ण उपलब्धि बर समाज कल्याण मंत्री अऊ ऊंखर विभाग के सबो अधिकारी मन अऊ कर्मचारियों ल बधाई देहे हें। छत्तीसगढ़ ल ये वाले पुरस्कार दिव्यांगजन मन के पुनर्वास ले संबंधित योजना मन के सर्वश्रेष्ठ क्रियान्वयन बर दे गीस। राष्ट्रपति ह छत्तीसगढ़ ल उत्कृष्ट राज्य के पुरस्कार ले नवाजिस। समारोह म केंद्रीय समाज कल्याण मंत्री श्री थावरचंद गहलोत अऊ छत्तीसगढ़ के समाज कल्याण विभाग के संचालक श्री डॉ.संजय अलंग घलोक उपस्थित रहिन। छत्तीसगढ़ म दिव्यांगजन मन के जल्‍दी पहिचान करके, ऊंखर पुनर्वास, उपचार, घर, रोजगार संग ऊंखर हर क्षेत्र म विकास के बेहतर प्रयास करे गए हे। दिव्यांगजन मन बर कॉलेज खोले गए हे। खेल मन म आघू आए बर प्रोत्साहित करे गए हे, ओ मन ल कई ठन व्यवसाय मन के कौशल प्रशिक्षण देके रोजगार के अवसर घलोक देवाए जात हे।