मुख्यमंत्री ह सुकमा जिला ल दीन 231 करोड़ के निर्माण काम मन के सौगात

रायपुर, 03 दिसम्बर 2017। मुख्यमंत्री डॉ. रमन सिंह ह आज सुकमा जिला के छिंदगढ़ म आयोजित तेन्दूपत्ता बोनस तिहार के अवसर म जिला के जनता मन ल 231 करोड़ रूपिया के 33 कई ठन निर्माण काम मन के सौगात दीन। उमन एमां ले पूरा हो गए 24 करोड़ 44 लाख रुपए के चार निर्माण काम मन के लोकार्पण अऊ 206 करोड़ 61 लाख रूपिया के 29 निर्माण काम मन के भूमिपूजन अऊ शिलान्यास करिन। उमन 10.47 करोड़ रुपए ले निर्मित पॉलिटेक्निक कॉलेज भवन, 3.17 करोड़ के लागत ले निर्मित लाईवलीहुड कॉलेज भवन, 7.25 करोड़ रुपए के लागत ले निर्मित 500 सीटर शबरी सभागार अऊ 3.54 करोड़ रुपए के लागत ले दिव्यांग छात्र-छात्रा मन बर निर्मित भवन के लोकार्पण करिन।
मुख्यमंत्री के हाथ जऊन निर्माण काम मन के भूमिपूजन अऊ शिलान्यास होइस, ओमां 16 करोड़ रुपए के लागत ले बनइया एकलव्य आदर्श आवासीय विद्यालय भवन, 2.12 करोड़ रुपए के लागत ले बनइया 100 सीटर वन बंधु आश्रम शाला भवन, 1.53 करोड़ रुपए के लागत ले छिंदगढ़ म बनइया 50 सीटर प्री मैट्रिक अऊ कन्या छात्रावास, कोंटा म ढाई-ढाई सौ सीट के बालक अउ बालिका छात्रावास भवन घलोक सामिल हे।



मुख्यमंत्री ह छिंदगढ़ के कार्यक्रम म कोंटा बर स्वीकृत 50-50 सीटर बालक अउ बालिका छात्रावास भवन, 5.40 करोड़ रुपए के लागत ले सुकमा ले भण्डाररास तक बीटी सड़क के निर्माण, 5.91 करोड़ रुपए के लागत के सुकमा-दंतेवाड़ा मार्ग ले तोंगरास तक बीटी सड़क निर्माण, 8.32 करोड़ रुपए के लागत ले बनइया नयानार-इरपा सड़क संग आन कई सड़क मन बर घलोक भूमिपूजन अऊ शिलान्यास करिन। मुख्यमंत्री ह खुशी जताइन कि सुकमा अऊ पेन्टा म 132 के.व्ही. क्षमता के विद्युत उपकेन्द्र के निर्माण तेजी ले करे जात रहा हे अऊ सुकमा कोंटा मार्ग के निर्माण मार्च 2018 तक पूरा कर लेहे जाही।

स्कूल शिक्षा अऊ आदिम जाति विकास मंत्री श्री केदार कश्यप, वन मंत्री श्री महेश गागड़ा, लोकसभा सांसद श्री दिनेश कश्यप, जिला पंचायत सुकमा के अध्यक्ष श्री हरीश कवासी, गृह विभाग के अपर मुख्य सचिव श्री बी.व्ही.आर सुब्रमण्यम, वन विभाग के अपर मुख्य सचिव श्री से.के. खेतान, प्रधान मुख्य वन संरक्षक श्री आर.के. सिंह, कमिश्नर बस्तर संभाग श्री दिलीप वासनिकर, कलेक्टर सुकमा श्री जय प्रकाश मौर्य, कलेक्टर बस्तर श्री धनंजय देवांगन अऊ सबो संबंधित विभाग मन के वरिष्ठ अधिकारी समारोह म मौजूद रहिन।