श्री अमर अग्रवाल ह करिस आबकारी विभाग के काम-काज के समीक्षा : एक जनवरी ले देशी मदिरा के बिक्री म घलोक मिलही रसीद

रायपुर, 5 दिसम्बर 2017। वाणिज्यिक कर अउ उद्योग मंत्री श्री अमर अग्रवाल ह आज इहां आबकारी भवन म अधिकारी मन के बैठक लेके विभागीय काम-काज के समीक्षा करिन। श्री अग्रवाल ह कुछ दुकान मन ले मदिरा के छपे कीमत ले जादा म बिक्री करे के शिकायत ल गंभीरता ले लेत एखर जांच करे ल कहिन। मंत्री ह 1 जनवरी ले देशी मदिरा के विक्रय म घलोक रसीद देहे के व्यवस्था करे ल कहिन। फिलहाल दारू अऊ बीयर म ये व्यवस्था लागू हो गए हे। बैठक म आबकारी आयुक्त श्री डीडी सिंह अउ संस्‍कृति विभाग के संचालक जितेन्‍द्र शुक्‍ला संग सबो जिला मन ले आए आबकारी अधिकारी सामिल होइन।



श्री अग्रवाल ह जिलेवार आबकारी विभाग के काम-काज के विस्तृत समीक्षा करिन। श्री अग्रवाल ह अधिकारी मन ले मदिरा के अवैध बिक्री म कड़ा निगरानी रखे ल कहिन। उमन कहिन कि अवैध बिक्री के चलते राजस्व वसूली प्रभावित हो सकत हे। छत्तीसगढ़ ले लगे सीमावर्ती प्रदेश मन ले मदिरा के इहां आए अऊ बेंचाए के शिकायत मिलत हे। एला रोके बर आबकारी अधिकारी सीधा जिम्मेदार होही। उमन सीमावर्ती जिला मन के आबकारी कार्यालय मन म वाहन, स्टॉफ आदि समुचित साधन मन ल तुरते पूरा करे के निर्देश विभागीय सचिव ल दीन। मंत्री ह अवैध मदिरा के खिलाफ फ्लाईग स्क्वायड टीम मन ल अऊ मुस्तैदी ले जिला आबकारी अधिकारी मन के संग समन्वय बनाके काम करे ल कहिन।

मंत्री श्री अग्रवाल ह कहिन कि मदिरा दुकान के तीर अहाता अऊ चखना के अलग-अलग व्यवस्था होना चाही। चखना के दुकान मदिरा दुकान ले 50 मीटर दूरिहा म होही अऊ नियमानुसार फूड अउर ड्रग विभाग ले लाईसेंस लेना होही। उमन अहाता म उपयोग के बाद बचे शीशी के हिसाब घलोक रखे के निर्देश आबकारी अधिकारी मन ल दीए हे। श्री अग्रवाल ह अधिकारी मन ल जादा ले जादा बार के जांच करके अवैध गतिविधि पाए जाय म कड़क कार्रवाई करे के निर्देश दीन हें। उमन दुकान मन म स्थापित सीसीटीव्ही के घलोक प्रतिदिन अवलोकन करके जरूरी कार्रवाई करे ल कहिन। अधिकारी मन ह बैठक म बताइन कि टोल फ्री नम्बर म पाछू महीना 182 शिकायत दर्ज करे गए रहिस, जेमा आधा ले जादा शिकायत छपे कीमत ले जादा कीमत म शराब के बिक्री ले संबंधित रहिस। जऊन म कार्रवाई करे गीस। उमन आम जनता ल घलोक अइसन शिकायत विभाग के टोल फ्री नम्बर 14405 म करे के अपील करे हें।