तेंदूपत्ता बोनस तिहार : गरियाबंद अउ धमतरी जिला के 79 हजार ले जादा तेंदूपत्ता संग्राहक मन के खाता म 24 करोड़ 25 लाख रूपिया ऑनलाईन ट्रांसफर

रायपुर, 06 दिसम्बर 2017। राज्य सरकार ह आज गरियाबंद अउ धमतरी जिला के 79 हजार ले जादा तेंदूपत्ता संग्राहक परिवार मन ल 24 करोड़ 25 लाख 77 हजार रूपिया के तेंदूपत्ता बोनस के सौगात दीस। गरियाबंद जिला के तहसील मुख्यालय मैनपुर म आज आयोजित तेंदूपत्ता बोनस तिहार म गृहमंत्री श्री रामसेवक पैकरा, कृषि मंत्री अउ गरियाबंद जिला के प्रभारी श्री बृजमोहन अग्रवाल अउ वनमंत्री श्री महेश गागड़ा, सांसद श्री चन्दूलाल साहू, संसदीय सचिव श्री गोवर्धन मांझी अउ सिहावा विधायक श्री श्रवण मरकाम कोति ले तेंदूपत्ता संग्राहक मन ल बोनस के वितरण करे गीस।