वनांचल ग्राम नारंगसुर पूरा सौर ऊर्जा ले संचालित गांव बनिस

बालोद, 06 दिसम्बर 2017। जिला के डौण्डी विकासखण्ड के वनांचल ग्राम नारंगसुर म विद्युत विहिन बसाहट म करीबन 12 परिवार के समूह निवासरत हे। उहॉ बिजली नइ होए ले मनखे हमेसा अंधियारे म रहत रहिन। वनांचल होए के सेती जंगली जानवर के ओ मन ल हर समें भय बने रहय। फेर अब ये गॉव आदर्श सोलर ग्राम बन गए हे। क्रेडा अउ जिला प्रशासन के माध्यम ले उहॉ निवासरत 12 घर मन म सोलर होम लाईट स्थापित करे गए हे। ताकि रात के समय घर मन म अंजोर करे जा सकया सौर ऊर्जा चलित एक किलोवाट क्षमता के 15 नग सोलर स्ट्रीट लाईट गली मन म स्थापित करे गए हे। एखर से अब रात के बेरा गली मन म अंजोर रहिथे। अब गॉव म अंजोर होए के सेती गांव वाले मन ल जंगली जानवर आदि के भय दूर हो गए हे। ग्राम नारंगसुर म पेयजल बर सोलर हैण्ड पम्प के क्रेडा विभाग कोति ले स्थापित करे गए हे। ए प्रकार ग्राम नारंगसुर पूरा सोलर म संचालित गांव बन गए हे।