मुख्यमंत्री ल पिछड़ा वर्ग सम्मेलन के नेवता

रायपुर, 06 दिसम्बर 2017। मुख्यमंत्री डॉ रमन सिंह ले आज इहां ऊंखर निवास कार्यालय म राजनांदगांव जिला ले आये पिछड़ा वर्ग के प्रतिनिधि मण्डल ह सौजन्य मुलाकात करिन। उमन मुख्यमंत्री ल बताइन कि निकट भविष्य म राजनांदगांव म पिछड़ा वर्ग के सम्मेलन के आयोजन करे जात हे। उमन ए सम्मेलन म मुख्य अतिथि के रुप म सामिल होए बर स्वीकृति प्रदान करे के आग्रह मुख्यमंत्री ले करिन। मुख्यमंत्री ह आमंत्रण बर धन्यवाद देवत कार्यक्रम के सफलता बर शुभकामना दीन। प्रतिनिधि मण्डल म पिछड़ा वर्ग राजनांदगांव के जिला अध्यक्ष श्री दीनदयाल साहू, महामंत्री श्री महेश साहू अऊ श्री लेखराम निर्मलकर, उपाध्यक्ष श्री हरीश मोटघरे अऊ श्री अरुण यादव, संग सर्वश्री प्रभाकर यादव, विजय कुमार सिन्हा, मुकेश साहू, दीपक सोनकर, नोहर दास साहू अऊ करीम खान सामिल रहिन।