मुख्यमंत्री युवा स्वावलंबन योजना’ के अंतर्गत ‘आर्टिफिशियल इंटेलिजेंसी’ अउ ‘मशीन लर्निंग’ के प्रशिक्षण

देश के प्रतिष्ठत उद्योग मन बर जरूरी रोजगार-मानक के मुताबिक पढ़ईया लईका मन के रोजगार क्षमता के विकास करके उमन ल तकनीकी कौशल प्रदान करे के राज्य शासन के पहल
आईटी क्षेत्र म आधुनिकतम प्रौद्योगिकी के संग कौशल-उन्नयन करके ट्रिपल आई.टी. नवा रायपुर ले प्रमाणन प्राप्त करे बर पढ़ईया लईका मन ल तैयार करे के उद्देश्य ले कार्यक्रम के आयोजन
छत्तीसगढ़ के इंजीनियरिंग कैम्पस ले शीर्ष स्तर के कुशल पढ़ईया लईका मन के भर्ती बर शीर्ष आईटी कंपनी मन ल आकर्षित करे के प्रयास



रायपुर, 07 दिसंबर, 2017। छत्तीसगढ़ इन्फोटेक प्रमोशन सोसायटी (चिप्स) कोति ले संचालित ‘मुख्यमंत्री युवा स्वावलंबन योजना’ के अंतर्गत डॉ श्यामा प्रसाद मुखर्जी अंतर्राष्ट्रीय सूचना प्रौद्योगिकी संस्थान (ट्रिपल आई.टी) के संग मिलके प्रशिक्षण कार्यक्रम के आयोजन करे जात हे। टेलेंट स्प्रिंट संस्था कोति ले ये प्रशिक्षण देहे जाही, जेखर मुख्य उद्देश्य युवा मन के डिजिटल कौशल म लउहे सुधार करके व्यवसायिक क्षमता म विकास करना हे। एखर अंतर्गत ट्रिपल आई.टी. परिसर, नवा रायपुर म ‘आर्टिफिशियल इंटेलिजेंसी’ अउ ‘मशीन लर्निंग’ के संग पूरा विस्तृत विकास बर बूट शिविर प्रशिक्षण कार्यक्रम आयोजित करे गए हे। डेढ़ सौ घंटा के ये प्रशिक्षण कार्यक्रम उच्च तकनीकी कार्यक्रम हे, जऊन ट्रिपल आई.टी नवा रायपुर अऊ राज्य के आन सबो इंजीनियरिंग महाविद्याालय के छात्र मन बर पूरा विस्तृत जावा अऊ आर्टिफिशियल इंटेलिजेंस म कोडिंग कौशल प्रदान करे हे अउ देश के प्रतिष्ठित उद्योग मन बर अनुभवात्मक शिक्षा प्रदान करे बर डिजाइन करे गए हे।

ट्रिपल आई.टी. नवा रायपुर म ‘आर्टिफिशियल इंटेलिजेंसी’ अउ ‘मशीन लर्निंग’ ल दो तकनीकी पाठ्यक्रम म बांट के प्रशिक्षण कार्यक्रम के आयोजन करे जात हे। पहिली पाठ्यक्रम बर 9 अउ 10 दिसम्बर कोे ऑन लाइन टेस्ट के आयोजन करे जाही। पंजीकरण के बाद पात्रता सह छात्रवृत्ति परीक्षा के माध्यम ले चयनित पात्र पढ़ईया लईका मन ल प्रशिक्षण देहे जाही। प्रशिक्षण म हिस्सा लेहे बर विद्यार्थी वेब लिंक- https://goo.gl/forms/Ib66qJsya5UA6tjA3 म पंजीयन कर सकत हें या bootcamps@talentsprint.com. म मेल कर सकत हें। पंजीयन के आखरी तारीक 8 दिसम्बर 2017 हे।

वैश्विक बाजार के परिस्थिति अऊ बाढ़त जनसंख्या के सेती रोजगार पाए लइक उम्मीदवार मन के संख्या म सरलग बढ़ोतरी होवत हे। जेखर सेती स्नातक मन ल आधुनिकतम प्रौद्योगिकी मन के संग कौशल-उन्नयन करके रोजगार पाए लाइक बनाए बर जरूरी तैयारी अऊ अभ्यास के जरूरत हे। चिप्स, ट्रिपल आई.टी. अऊ टेलेंट स्प्रिंट संस्था मिलके आधुनिकतम प्रौद्योगिकी मन के संग उद्योग मन के जरूरत के मुताबिक पढ़ईया लईका मन के कौशल-उन्नयन करत हे।