संस्कृत अऊ संस्कृति ले ही देश के प्रतिष्ठा: डॉ. कौशिक : प्रदेश व्यापी संस्कृत हफ्ता के शुभारंभ

रायपुर, 04 अगस्त 2017। छत्तीसगढ़ संस्कृत विद्यामण्डलम् कोति ले आज प्रदेश व्यापी संस्कृत हफ्ता के इहां शुभारंभ करे गीस। संस्कृत भारती के सहयोग ले विज्ञान केन्द्र सड्डू म आयोजित कार्यक्रम म राज्य शिक्षा आयोग के अध्यक्ष श्री चन्द्रभूषण शर्मा ह संस्कृत हफ्ता के शुभारंभ करिस। कार्यक्रम के अध्यक्षता  संस्कृत विद्यामण्डलम् के पहिली अध्यक्ष डॉ. गणेश कौशिक ह करिस। ए अवसर म आर्ष ज्योति गुरूकुल संस्कृत विद्यालय अउ दूधाधारी श्री वैष्णव संस्कृत विद्यालय मठपारा रायपुर के छात्र मन कोति ले स्वस्तिवाचन पूर्वक अतिथिगण मन के संग दीपप्रज्ज्वलन के संग कार्यक्रम के शुभारंभ होइस। स्वागत उद्बोधन देवत छत्तीसगढ़ संस्कृत विद्यामण्डलम् के अध्यक्ष स्‍वामी परमात्मानंद ह कहिन कि संस्कृत पूर्णरूपेण वैज्ञानिक भाखा हे। ये वाले सुगठित अउ परिमार्जित हे। अवइया समय संस्कृत के हे। ये कम्प्यूटर बर सर्वमान्य भाखा हे। ए भाखा के साहित्य म भारत के गहनतम ज्ञान विद्यमान हे।

(adsbygoogle = window.adsbygoogle || []).push({});

समारोह म छत्तीगढ़ साहित्य अकादमी के कार्यकारी अध्यक्ष आचार्य रमेन्द्र नाथ मिश्र, छत्तीसगढ़ माध्यमिक शिक्षा मण्डल श्री नर्मदा प्रसाद विश्वकर्मा, आचार्य अमरनाथ त्यागी, डॉ. तोयनिधि वैष्णव, राज्य शिक्षा आयोग के सदस्य अक्षय कुमार श्रीवास्तव, सचिव डॉ. ओमप्रकाश मिश्र, विश्व हिन्दू परिषद् के प्रान्तीय प्रचार-प्रसार प्रमुख श्री मथुरा प्रसाद सोनी, एलिस स्प्रिंग इंग्लिश मीडियम स्कूल मोवा, आशादीप उ. मा. वि. मोवा, चैम्पियन स्कूल रायपुर के पढ़ईया लईका मन के उपस्थिति रही। समारोह म अतिथिगणों के स्वागत रीजनल साइंस सेण्टर के महानिदेशक डॉ. पी. के. भट्ट ह करे गीस। छ. ग. संस्कृत विद्यामण्डलम् के श्री लक्ष्मण प्रसाद साहू, श्रीमती आशारानी चतुर्वेदी, श्री चन्द्रभानू वर्मा, आर. आर. घरडे, से. आर. श्रीवास, एस. आर. साहू समारोह म उपस्थित रहय। कार्यक्रम के संचालन डॉ. सुरेश कुमार शर्मा सचिव छत्तीसगढ़ संस्कृत विद्यामण्डलम् ह करिस। 

(adsbygoogle = window.adsbygoogle || []).push({});