डॉ. रमन सिंह नरेन्द्र मोदी रायपुर

प्रधानमंत्री ह नवा रायपुर स्मार्ट सिटी म करिन एकीकृत कमांड अउ नियंत्रण केन्द्र के लोकार्पण

  • देश के आन स्मार्ट शहर मन बर रोल मॉडल बनही नवा रायपुर के ये केन्द्र: श्री नरेन्द्र मोदी
  • एके छत के नीचे सबो नागरिक सेवा मन के मॉनिटरिंग के संग होही सुचारू संचालन
  • हफ्ता के सातों दिन अऊ चौबीसों घण्टा काम करही एकीकृत कमाण्ड अउ नियंत्रण केन्द्र

रायपुर, 14 जून 2018। प्रधानमंत्री श्री नरेन्द्र मोदी ह आज नवा रायपुर म स्मार्ट सिटी परियोजना के तहत देश के पहिली एकीकृत कमाण्ड अउ नियंत्रण केन्द्र के लोकार्पण करिन। उमन ए केन्द्र के निर्माण म खुशी प्रकट करत मुख्यमंत्री डॉ. रमन सिंह संग नवा रायपुर विकास प्राधिकरण के सबो प्राधिकारी मन ल बधाई दीन। श्री मोदी ह एकीकृत कमांड अउ नियंत्रण केन्द्र के सुचारू अऊ सफल संचालन बर अपन शुभकामना दीन। श्री मोदी ह शुभेच्छा प्रकट करत उम्मीद जताये हें के नवा रायपुर के ये अत्याधुनिक एकीकृत कमांड अउ नियंत्रण केन्द्र देश के आन स्मार्ट शहर मन बर घलोक एक रोल मॉडल बनही।
हम आपमन ल बता देवन के नवा रायपुर देश के पहली अइसे स्मार्ट शहर हे, जऊन हर बिजली, पानी, सड़क, संचार अऊ स्वच्छता जइसे नागरिक सुविधा मन के ऑनलाइन निगरानी बर अऊ ए सेवा मन ले जुरे अपन जनसमस्या मन के निराकरण बर एकीकृत कमांड अउ नियंत्रण केन्द्र के स्थापना करे हे। प्रधानमंत्री के हाथ लोकार्पण के संक्षिप्त कार्यक्रम म मुख्यमंत्री डॉ. रमन सिंह, केन्द्रीय संचार राज्य मंत्री (स्वतंत्र प्रभार) श्री मनोज सिन्हा, केन्द्रीय घर अउ नगरीय मामलों के राज्य मंत्री (स्वतंत्र प्रभार) श्री हरदीप सिंह पुरी, छत्तीसगढ़ सरकार के घर, पर्यावरण अउ लोकनिर्माण मंत्री श्री राजेश मूणत, केन्द्रीय घर मंत्रालय के सचिव श्री डीएस मिश्रा, नवा रायपुर विकास प्राधिकरण (एनआरडीए) के अध्यक्ष अऊ घर अउ पर्यावरण विभाग के प्रमुख सचिव श्री अमन कुमार सिंह, सचिव आवास अउ पर्यावरण श्री संजय शुक्ला अउ मुख्य कार्यपालन अधिकारी (एनआरडीए) श्री रजत कुमार घलोक ए अवसर म उपस्थित रहिन।
प्रधानमंत्री श्री मोदी ह ए केन्द्र के प्रशंसा करत कहिन कि नवा रायपुर के एकीकृत कमांड एण्ड कंट्रोल सेंटर देश के स्मार्ट शहर मन बर रोल मॉडल बनही। उमन एखर बर मुख्यमंत्री डॉ. रमन सिंह ल बधाई दीन। प्रधानमंत्री ह ए केन्द्र म बइठके एखर संचालन के गतिविधि मन ल अऊ पूरा प्रक्रिया ल बारीकी ले देखिन। नवा रायपुर विकास प्राधिकरण के अध्यक्ष श्री अमन कुमार सिंह ह प्रस्तुतिकरण देवत ओ मन ल बताइन कि ए सेंटर के संग बिजली, पानी, स्वच्छता, यातायात प्रबंधन, एकीकृत भवन प्रबंधन, सिटी कनेक्टिविटी अउ इंटरनेट अधोसंरचना (डाटा सेंटर) अऊ पूरा नवा रायपुर शहर के निगरानी करे जा सकही। उमन बताइन के शहर के परिवहन व्यवस्था, बिजली अउ जल आपूर्ति, स्ट्रीट लाईट अऊ आधारभूत सुविधा मन ले जुड़े हर एक व्यवस्था के निगरानी चौबीसों घंटा करे जा सकही। अभी हाले म जमीन खरीद, कोनो प्रकरण के शिकायत या नो ओब्जेक्शन सर्टिफिकेट आदि प्राप्त करे बर ऑफलाइन आवेदन दे जात रहिस। जेखर से अड़बर समय लागत रहिस हे। सीसीसी व्यवस्था के शुरू हो जाय ले ये सबो सुविधा नागरिक मन ल केवल एक किलिक म मिल सकही। शहर म लगे सबो सेंसर्स जइसे पब्लिक ट्रांसपोर्ट बस मन म लगे जीपीएस सेन्सर्स, डायल 100 वाहन के स्थिति, 108 एम्बुलेंस के स्थिति, स्मार्ट लाईटिंग, ट्रैफिक मैनेजमेंट कैमरा, पब्लिक बाईक शेयरिंग, सॉलिड वेस्ट मैनेजमेंट, मौसम विभाग, सोलर पैनल्स, स्मार्ट मैप आदि व्यवस्था मन अउ परियोजना मन के डाटा इहां स्टोर होही। ए सेंटर म पूरा शहर के व्यवस्था एके छत के नीचे रियल टाईम म देखे जा सकही।
ए एकीकृत कण्ट्रोल एंड कमांड सेंटर ले आपातकालीन स्थिति अउ आपदा प्रबंधन म तुरंत कार्यवाही करे म सहयोग मिलही, जइसे के दुर्घटना या कोनो आन आपात स्थिति म नियंत्रण कक्ष ले लाइव विडियो देखके जरूरी सेवा जइसे फायर बिग्रेड, डायल 100 अउ 108 एम्बुलेंस ल तुरंत सूचित करे जा सकही। ए मॉडल के अंतर्गत शहर के डाटा, डाटा सेंटर म स्टोर करे जाही जेखर समय-समय म विश्लेषण होही। ये डाटा एनालिसिस शहर के सेवा मन के संदर्भ म विभागीय योजना बनाए म सहायक होही। ए केंद्र के माध्यम ले जरूरी जानकारि मन के एकत्रीकरण, एकीकृत प्रबंधन, तेज क्रियान्वयन व अपन आप प्रमाणीकरण अऊ आपदा प्रबंधन प्लेटफॉर्म,, स्मार्ट सेंसर्स के कम्युनिकेशन इंटरफेस अउ सुरक्षा कंपोनेंट्स, अलर्ट मैनेजमेंट, स्मार्ट पार्किंग, डायल 100, स्मार्ट स्ट्रीट लाईट, डायल 108 अउ महतारी एक्सप्रेस, फायर बिग्रेड कण्ट्रोल सिसटम, स्मार्ट मैप (जीआईएस), मौसम विभाग ले जुडे जानकारी, इंटीग्रेटेड ट्रैफिक मैनेजमेंट सिसटम, एरिया बेस्ड डेवलपमेंट (एबीडी) सर्विसेज, ट्रैकिंग ऑफ सॉलिड वेस्ट एंड वाटर मैनेजमेंट सिसटम आदि के प्रबंधन म सहायता मिलही।

मुहाचाही:  कोचिया अऊ शराबी अब घर ले निकले म डेराए लगे हे