अमर अग्रवाल रायपुर

श्री अमर अग्रवाल ले सिंगापुर के काउंसलेट जनरल के मुलाकात

रायपुर, 10 जुलाई 2018। छत्तीसगढ़ के उद्योग अउ वाणिज्य मंत्री श्री अमर अग्रवाल ले आज इहां ऊंखर शंकर नगर स्थित निवास कार्यालय म सिंगापुर गणराज्य के काउंसलेट जनरल श्री अजीत सिंह के नेतृत्व म सिंगापुर सरकार के प्रतिनिधि मण्डल ह मुलाकात करिन। प्रतिनिधि मण्डल ह उद्योग मंत्री श्री अग्रवाल के संग छत्तीसगढ़ म पूंजी निवेश के संभावना मन म विस्तृत विचार-विमर्श करिन। उमन विशेषकर स्कील डेव्हलपमेन्ट, लॉजिस्टिक्स, एग्रो फूड सेक्टर अऊ स्मार्ट सिटी डेव्हलपमेन्ट के क्षेत्र म निवेश करे बर रूचि देखाइन। श्री अग्रवाल ह प्रतिनिधि मण्डल के स्वागत करत छत्तीसगढ़ के खूबि अऊ खासिय मन ले उमन ल अवगत कराइन। उमन कहिन कि छत्तीसगढ़ खनिज संपदा ले भरपूर अऊ जीरो पॉवरकट वाला राज्य हे अऊ इज आफ डूइंग बिजनेस के रैंकिंग म ये प्रदेश देश म अग्रणी हे। निश्चिंत होके इहां निवेश करे जा सकत हे। सिंगापुर के प्रतिनिधि मण्डल म डिप्टी काउंसलेट श्री आमीन अऊ रिजनल डायरेक्टर एरोन जंग सामिल रहिन। ए अवसर म छत्तीसगढ़ सरकार के उद्योग सचिव डॉ. कमलप्रीत सिंह अऊ सी.एस.आई.डी.सी. के प्रबंध संचालक श्री सुनील मिश्रा घलोक उपस्थित रहिन।



मुहाचाही:  अवइया महिना ले बिना रसीद नइ बेंचाय दारू : श्री अमर अग्रवाल