Success Stories डॉ. रमन सिंह

अंबेडकर अस्पताल अऊ क्षेत्रीय कैंसर संस्थान ल मिलिस दू राष्ट्रीय पुरस्कार

रायपुर, 13 मार्च 2018। मुख्यमंत्री डॉ. रमन सिंह ह राजधानी रायपुर स्थित डॉ. भीमराव अंबेडकर अस्पताल अऊ क्षेत्रीय कैंसर संस्थान ल सर्वश्रेष्ठ काम बर दू राष्ट्रीय पुरस्कार मिले म खुशी प्रकट करे हें अऊ एखर बर अस्पताल प्रबंधन अउ कैंसर संस्थान के सबो अधिकारी मन, डॉक्टर मन अऊ कर्मचारी मन ल बधाई दीन।
राजधानी रायपुर स्थित राज्य सरकार के क्षेत्रीय कैंसर संस्थान ल कैंसर के गुणवत्तापूर्ण उपचार बर देश के सर्वश्रेष्ठ संस्थान के रूप म नई दिल्ली म ए महिना के 10 तारीक के दिन आयोजित समारोह म सम्मानित करे गीस। क्षेत्रीय कैंसर संस्थान ल ‘स्कॉच अवार्ड, स्वस्थ भारत गोल्ड’ पुरस्कार प्रदान करे गए हे। देश ह सामाजिक, आर्थिक, स्वच्छता, अर्थव्यवस्था अऊ स्वास्थ्य प्रबंधन क्षेत्र के आंकलन करइया संस्था स्कॉच ग्रुप कोति ले आयोजित ‘स्कॉच स्वस्थ भारत अवार्ड 2018’ समारोह म ये वाले पुरस्कार प्रदान करे गीस।




मुख्यमंत्री ले आज बिहनिया इहां ऊंखर निवास कार्यालय म संचालक चिकित्सा शिक्षा डॉ. ए.के. चंद्राकर अऊ क्षेत्रीय कैंसर संस्थान रायपुर के डायरेक्टर डॉ. विवेक चौधरी ह सौजन्य मुलाकात करके ओ मन ल ए उपलब्धि के जानकारी दीन। उमन ये घलोक बताइन कि डॉ. अंबेडकर अस्पताल ल हास्पिटल वेस्ट मेनेजमेंट के सर्वश्रेष्ठ काम बर देश के सर्वश्रेष्ठ पचास स्वस्थ भारत प्रोजेक्ट के अवार्ड ‘स्कॉच आर्डर ऑफ मेरिट’ ले सम्मानित करे गए हे।
डॉ. सिंह ह ए उपलब्धि बर डॉ. भीमराव अंबेडकर मेमोरियल अस्पताल अऊ क्षेत्रीय कैंसर संस्थान के डॉक्टर मन, अधिकारी मन अऊ पूरा टीम के सराहना करत कहिन कि संस्थान के पूरा टीम ह समर्पण अऊ लगन के संग मरीज मन के सेवा के अनुकरणीय उदाहरण प्रस्तुत करे हें। उमन कहिन कि रायपुर के ए संस्थान म कैंसर के इलाज बर मुंबई अऊ नई दिल्ली के संस्थान जइसे सुविधा हवय। कैंसर के इलाज बर ये मध्य भारत के सर्वश्रेष्ठ संस्थान हे। जऊन ल कैंसर के इलाज बर अत्याधुनिक मशीन मन ले सुसज्जित करे गए हे। इहां के विशेषज्ञ सेवाभाव के संग मरीज मन के इलाज करत हे।



मुहाचाही:  मुख्यमंत्री ह कांकेर म करिस 329 करोड़ के निर्माण कार्य मन के लोकार्पण-भूमिपूजन