Filmi

नवा-जुन्‍ना पीढ़ी के बीच परिवार म बाढ़त संवादहीनता चिंताजनक: अनुपम खेर

मीडिया संगोष्ठी म लोकप्रिय फिल्म अभिनेता ह अपन जीवन संघर्ष के अनुभव ल साझा करिन

रायपुर 29 अप्रैल 2018। पद्मश्री अऊ पद्मविभूषण सम्मानित लोकप्रिय फिल्म अभिनेता श्री अनुपम खेर ह कहिन के हरेक टेक्नॉलाजी के अपन महत्व होथे अऊ उपयोगिता घलोक होथे, फेर आज के समें म सूचना अऊ संवाद के नवा उपकरण मन के प्रचलन बाढ़े के बाद समाज म नवा अऊ जुन्ना पीढ़ी के बीच परिवार म संवादहीनता सरलग बाढ़त जात हे। ये वाले स्थिति चिंताजनक हे।
खेर ह काल संझा नवा रायपुर स्थित राज्य सरकार के जनसम्पर्क विभाग के सहयोगी संस्था छत्तीसगढ़ संवाद के नवा बने भवन म आयोजित जनसम्पर्क अधिकारी मन के मीडिया संगोष्ठी के आखरी सत्र ल सम्बोधित करत रहिन। श्री खेर ह छत्तीसगढ़ संवाद के नवा भवन के बड़ई करत एला स्टेट ऑफ द आर्ट बताइन। उमन कहिन- छत्तीसगढ़ से मोर अड़बड़ जुन्ना नता हे। इहां आत-जात रहिथंव। राज्य म मुख्यमंत्री डॉ. रमन सिंह के नेतृत्व म विकास के अच्छा काम होवत हे। नया रायपुर म होवत अधोसंरचना विकास के काम मन ल देखके मैं दंग रह गेंव। श्री खेर ह अपन जीवन के संघर्षों ल अऊ अंदाजन 34 साल के फिल्मी सफरनामा के अनुभव मन ल अड़बड़ दिलचस्प तरीका ले साझा करिन।
खेर के व्याख्यान के बाद संचालक जनसम्पर्क अऊ छत्तीसगढ़ गोठ के मुख्य कार्यपालन अधिकारी राजेश सुकुमार टोप्पो ह स्मृति चिन्ह भेंटकरके ऊंखर प्रति आभार प्रकट करिन।



छत्‍तीसगढ़ संवाद में आप इस समाचार को हिन्‍दी में यहां पढ़ सकते हैं।

मुहाचाही:  मुख्यमंत्री ले फिल्म अभिनेता श्री अनुपम खेर करिन मुलाकात