डॉ. रमन सिंह

मुख्यमंत्री ह अवसर अकादमी के वेबसाइट के करिस शुभारंभ

रायपुर 29 अप्रैल 2018। मुख्यमंत्री डॉ. रमन सिंह ह काल रात कुन अपन निवास कार्यालय म सिविल सेवा परीक्षा के तैयारी करवइया संस्था अवसर अकादमी के वेबसाइट के शुभारंभ करिन। ए अवसर म संस्था के अध्यक्ष श्री रमेश मोदी ह बताइस कि सिविल सेवा परीक्षा के तैयारी बर अनुसूचित जाति अउ जनजाति संग आन वर्ग के गरीब परिवार मन ले ताल्लुक रखइया प्रतिभावान युवा मन ल शत प्रतिशत स्कालरशिप देहे के व्यवस्था संस्था कोति ले करे जात हे। युवा मन के आनलाइन रजिस्ट्रेशन अऊ ओ मन ल कई ठन जानकारी देहे बर ये वेबसाइट शुरू करे जात हे। कोचिंग बर युवा मन के चयन परीक्षा अऊ साक्षत्कार के संग करे जाही। ए अवसर म संचालक हिन्दी ग्रंथ अकादमी श्री शशांक शर्मा, श्री अशोक दुबे, श्री मनोज कोठारी, डॉ. स्मिता शर्मा अऊ श्री नीरज वर्मा घलोक उपस्थित रहिन।


मुहाचाही:  मुख्यमंत्री राजनांदगांव सौभाग्य के प्रचार रथ ल हर झंडी देखाके रवाना करिन