Success Stories Success story कवर्धा

भारत बैगा के दिल्ली टेक्नोलॉजिकल यूनिवर्सिटी के सॉफ्टवेयर इजीनियरिंग म प्रवेश मिले म मन्नाबेदी गांव म तिहार

कवर्धा, 26 जुलाई 2018। छत्तीसगढ़ के कबीरधाम जिला के भारत लाल बैगा के दिल्ली टेक्नोलॉजिकल यूनिवर्सिटी म सॉफ्टवेयर इजीनियरिंग ब्रांच म दाखिला होए के बाद ऊंखर गांव मन्नाबेदी म तिहार जइसे माहौल बन गीस। गांव म विशेष पिछड़ी जनजाति वर्ग के बैगा समुदाय के संगें-संग आन परिवारजन म घलोक उत्साह अऊ उमंग हे। कलेक्टर श्री अवनीश कुमार शरण, पुलिस अधीक्षक डॉ. लाल उम्मेद सिंह अऊ जिला पंचायत के मुख्यकार्यपालन अधिकारी श्री कुंदन कुमार घलोक ए उत्साह अऊ उमंग के उत्सव म सामिल होइन। कलेक्टर ह भारत लाल बैगा के ए उपलब्धि बर वोला पेन-डायरी अऊ पुष्प्पगुच्छ देके ऊंखर उज्जवल भविष्य के कामना करिस। कलेक्टर ह भारत बैगा के माता-पिता ले घलोक मिलिस अऊ ओ मन ल घलोक बधाई दीस। मन्नाबेदी के भारत लाल बैगा ह अपन काबिलियत अऊ कठिन परिश्रम ले राष्ट्रीय स्तर म आयोजित संयुक्त इंजीनियरिंग परीक्षा के मुख्य प्रवेश परीक्षा जेईई मैन्स म शानदार सफलता हासिल करके देश के प्रतिष्ठित शैक्षणिक संस्थान दिल्ली टेक्नोलॉजिकल यूनिवर्सिटी नई दिल्ली म सॉफ्टवेयर इजीनियरिंग म प्रवेश लेहे हे, ये हम सब बर गर्व अऊ खुशी के बात हे। उंखर सफलता के ये गाथा जिला के युवा मन बर घलोक प्रेरणा बन गए हे। भारत बैगा जिलाच नहीं भलुक पूरा प्रदेश के पहिली युवा बन गे हे जऊन विशेष पिछड़ी जनजाति वर्ग के बैगा जनजाति वर्ग ले हे। कलेक्टर ह भारत बैगा ले कहिन के दिल्ली जाके गांव के माटी अऊ संस्कृति ल जरूर याद रखना हे। उमन ये घलोक कहिन के गांव के माटी अऊ संस्कृति हमला सकारात्मक उर्जा प्रदान करथे। सकारात्मक उर्जा गांव, समाज अऊ देश बर रचनात्मक काम करे बर प्रेरित घलोक करथे।

मुहाचाही:  घना जंगल के बीच बसे सोनपुर म अरिवन्द के दुकान म मिलथे जरूरत के हर समान