Uncategorized

बाल गृह के लइका बनना चाहथे मुख्‍यमंत्री : डॉ. रमन हांसिस अउ कहिस पहिली मन लगा के पढ़व

लइका मन के बौद्धिक क्षमता ल सराहिन

रायपुर, 25 मार्च 2018। मुख्यमंत्री डॉ. रमन सिंह ह आज बिहनिया कोरिया जिला के मुख्यालय बैकुंठपुर म उहां के बाल गृह के लइका मन ले मुलाकात करिन। लइका मन ह मुख्यमंत्री ल कागज ले बने पुष्प गुच्छ भेंट करिन। मुख्यमंत्री डॉ. सिंह ह लइका मन ले उंखर पढ़ाई-लिखाई के बारे म जानकारी लीन। मुख्यमंत्री के पूछे सवाल मन के लइका मन ह बेझिझक होके लउहे जवाब दीन। डॉ. सिंह ह लइका मन के आत्मविश्वास अऊ बौद्धिक क्षमता के सराहना करत उंखर से पूछिन के भविष्य म ओ मन का बनना चाहत हें।




बालगृह के राहुल दुबे ह झट ले उत्तर देवत कहिन कि मैं मुख्यमंत्री बनना चाहथंव। मुख्यमंत्री डॉ. सिंह ह राहुल ल प्रोत्साहित करत ओला मन लगाके पढ़ाई करे के समझाईश दीन। राहुल विश्वकर्मा ह सी.आई.डी अधिकारी, टुकेश्वर ह पुलिस अधिकारी, मनोज संग कुछ लइका मन ह घलोक प्रशासनिक अधिकारी बने के इच्छा जताईन। मुख्यमंत्री डॉ.सिंह ह सबो लइका मन ल ऊंखर उज्जवल भविष्य बर आशीर्वाद प्रदान करिन। लइका मन ह मुख्यमंत्री ल अपन बनाये पेंटिंग तको देखाईन। मुख्यमंत्री डॉ. सिंह ह कलात्मक पेंटिंग के सराहना करत उंखर उत्साहवर्धन करिन। ये अवसर म डॉ. सिंह ह लइका मन ल डिक्शनरी भेंट करिन, कलेक्टर कोरिया श्री नरेंद्र कुमार दुग्गा ह मुख्‍यमंत्री जी ल बालगृह बालक के गतिविधि मन के संबंध म विस्तारपूर्वक जानकारी दीन।
ए बेरा म श्रम, खेल अउ युवा कल्याण मंत्री श्री भईयालाल राजवाड़े, मनेन्द्रगढ़ क्षेत्र के विधायक श्री श्याम बिहारी जायसवाल, मुख्य सचिव श्री अजय सिंह, मुख्यमंत्री के सचिव श्री सुबोध सिंह, जनसंपर्क विभाग के संचालक अउ विशेष सचिव श्री राजेश सुकुमार टोप्पो, सरगुजा संभाग के आयुक्त श्री अविनाश चंपावत अऊ पुलिस महानिरीक्षक श्री हिमांशु गुप्ता संग वरिष्ठ अधिकारी ए अवसर म उपस्थित रहिन।



मुहाचाही:  लोक सुराज अभियान का दूसरा दिन : कलेक्टर ने किया शिविरों का औचक निरीक्षण