डॉ. रमन सिंह

प्रधानमंत्री ह वयोवृद्ध महिला रतनीबाई ल चरण पादुका पहिनाके लीन आर्शीवाद

रायपुर,14 अप्रैल 2018। प्रधानमंत्री श्री नरेन्द्र मोदी आज इहां छत्तीसगढ़ के दूरस्थ आदिवासी बहुल जिला के बीजापुर के ग्राम जांगला म आयोजित आमसभा म छत्तीसगढ़ सरकार के तेन्दूपत्ता संग्राहक मन बर चलाए जात चरण पादुका योजना के तहत वंदलापाल भैरमगढ़ निवासी वयोवृद्ध महिला श्रीमती रतनी बाई ल मंच म खुदे अपन हाथ ले चरण पादुका पहिनाके उंखर आर्शीवाद लीन। अइसनहे उमन राष्ट्रीय योजना के तहत धनोरा बीजापुर के बुजुर्ग महिला श्रीमती सोम्मी हपका के कान म श्रवण यंत्र लगाइन। श्री मोदी ह प्रधानमंत्री मातृ वंदना योजना के तहत प्रतीकात्मक स्वरूप जांगला बीजापुर के श्रीमती गीता वर्गेम ल 5 हजार रूपिया के चेक, प्रधानमंत्री उज्जवला योजना के तहत माटवाड़ा बीजापुर के श्रीमती पोडिया लेकम ल गैस सिलेण्डर अऊ चूल्हा, माटावाड़ा बीजापुर के श्रीमती सुधरीलेकम ल ई-रिक्शा, सौर सुजला योजना के तहत इरामनार बीजापुर के किसान श्री जगदीश हुर्रा ल स्वीकृति पत्र, वनधन विकास योजना के तहत दुगोली के श्रीमती मुन्नी तेलम ल छोटे वनोपज प्रसंस्करण मशीन के वितरण करिन।
ए अवसर म मुख्यमंत्री डॉ. रमन सिंह, केन्द्रीय स्वास्थ्य मंत्री श्री जे.पी.नड्डा, राष्ट्रीय जनजाति आयोग के अध्यक्ष श्री नंदकुमार साय, बस्तर लोकसभा क्षेत्र के सांसद श्री दिनेश कश्यप, वनमंत्री श्री महेश गागड़ा, अनुसूचित जाति अउर जनजाति विकास मंत्री श्री केदार कश्यप, स्वास्थ्य मंत्री श्री अजय चंद्राकर, लोक निर्माण मंत्री श्री राजेश मूणत, विधानसभा के पहिली अध्यक्ष श्री धरमलाल कौशिक, नीति आयोग के मुख्य कार्यपालन अधिकारी श्री अमिताभ कांत, प्रदेश सरकार के मुख्य सचिव श्री अजय सिंह संग बहुत अकन जनप्रतिनिधि अऊ प्रशासनिक अधिकारीगण उपस्थित रहिन।

मुहाचाही:  नक्सल प्रभावित क्षेत्र मन म सड़क निर्माण कार्य म आही अऊ तेजी