Sanskruti डॉ. रमन सिंह

भारत महोत्सव म हिस्सा लेवइया आरूग बैंड के कलाकार मन ह मुख्यमंत्री ले करिन सौजन्य मुलाकात

रायपुर 1 अप्रैल 2018। मुख्यमंत्री डॉ. रमन सिंह ले आज इहां ऊंखर निवास कार्यालय म छत्तीसगढ़ी फिल्म अभिनेता अऊ पद्श्री अलंकरण ले सम्मानित श्री अनुज शर्मा के नेत्त्व म फिजी म आयोजित भारत महोत्सव म हिस्सा लेवइया छत्तीसगढ़ी फोक बैंड आरूग द अनटच्ड के कलाकार मन ह सौजन्य मुलाकात करिन। मुख्यमंत्री ह इन कलाकार मन ल महोत्सव म पारम्परिक वाद्ययंत्र के संग लोकगीत मन के शानदार प्रस्तुति बर बधाई अउ शुभकामना दीन।




मुख्यमंत्री डॉ. सिंह ले मुलाकात के समय श्री अनुज शर्मा ह छत्तीसगढ़ के कलाकार मन के फिजी यात्रा अउ भारत महोत्सव के बारे म विस्तार ले जानकारी दीन। उमन बताइन कि फिजी म आयोजित भारत महोत्सव के समापन अवसर म छत्तीगसढ़ के आरूग बैंड के कलाकार मन ह करमा, ददरिया, सुआ, नचौड़ी आदि पारम्परिक विधा मन के शानदार प्रस्तुति दीन। प्रस्तुति म पारम्परिक वाद्ययंत्र मन के उपयोग करे गीस, जऊन ल उहां के मनखे मन ह अड़बड़ पसंद करिन। इहां के संस्कृति के झलक पाके फिजी के मनखे मन ल अपना-पन के अहसास होइस। ए अवसर म श्री शर्मा ह मुख्यमंत्री ले छत्तीसगढ़ के कलाकार मन ल अंतर्राष्ट्रीय स्तर म आयोजित होवइया सांस्कृतिक महात्सव मन म जादा ले जादा प्रस्तुति के मौका देवाए के घलोक आग्रह करिन।



मुहाचाही:  मुख्यमंत्री ह राष्ट्रपिता महात्मा गांधी के प्रतिमा म करिन माल्यार्पण