अमर अग्रवाल बलौदा बाजार

नगरीय प्रशासन मंत्री ह करिस 19.74 करोड़ के निर्माण कार्य मन के लोकार्पण-भूमिपूजन

भाटापारा म 3 करोड़ के लागत ले बनही विशाल टाऊन हॉल

रायपुर, 11 जुलाई 2018। नगरीय प्रशासन अउ विकास मंत्री श्री अमर अग्रवाल ह भाटापारा शहर ल 19 करोड़ 74 लाख रूपिया के विकास काम मन के सौगात दीस। श्री अग्रवाल ह एमां ले 17 करोड़ 45 लाख रूपिया के विकास काम मन के भूमिपूजन अऊ 2 करोड़ 29 लाख रूपिया के पूरा होए काम मन के लोकार्पण करिस। लोकसभा सांसद श्री रमेश बैस के मुख्य आतिथ्य अउ विधायक श्री शिवरतन शर्मा के अध्यक्षता म काल भाटापारा के सिटी सेन्टर मॉल म कार्यक्रम संपन्न होइस। श्री अग्रवाल ह ए अवसर म नगर म बड़े टाऊन हॉल निर्माण बर 3 करोड़ रूपिया प्रदान करे के घोषणा करिन।
नगरीय प्रशासन मंत्री श्री अग्रवाल कोति ले लोकार्पित करे काम मन म – एक करोड़ 22 लाख के लागत ले निर्मित पण्डित रविशंकर शुक्ल व्यवसायिक परिसर निर्माण, सुभाष वार्ड म 19 लाख के लागत ले सामुदायिक भवन निर्माण अऊ वार्ड नम्बर 4, वार्ड 20, वार्ड 25 अउ 29 म चार एसएलआरएम सेन्टर निर्माण 1 करोड़ रूपिया सामिल हे। हर एक एसएलआरएम सेन्टर के लागत 25 लाख रूपिया हे। इही प्रकार भूमिपूजन मन म शहर के कई ठन मुहल्ला म नाली, सड़क, व्यावसायिक परिसर निर्माण, हटरी बाजार सदर वार्ड बर एक करोड़ 22 लाख रूपिया, नगर म पेयजल विस्तार बर 13 करोड़ 25 लाख, सतनामी समाज के मुक्तिधाम विकास बर 72 लाख रूपिया, ईसाई समाज के मुक्तिधाम विकास बर 72 लाख रूपिया अऊ वार्ड 9 म इण्डोर स्टेडियम निर्माण बर 2 करोड़ के विकास काम सामिल हे।




श्री अग्रवाल ह उपस्थित जनसमूह ल सम्बोधित करत कहिन कि केन्द्र अऊ राज्य सरकार ह जनता के कल्याण बर कई अभिनव योजना शुरू करे हे। आयुष्मान योजना एमां प्रमुख हे। समाज के कमजोर तबके के मनखे मन ल अब पांच लाख रूपिया तक स्वास्थ्य सुविधा मुफ्त म मिलही। उमन कहिन कि प्रधानमंत्री श्री नरेन्द्र मोदी ह देश ल स्वच्छता के नवा संस्कृति दीस। स्वच्छ भारत के नारा आज देशवासि मन के जुबान म चढ़ गे हे। श्री अग्रवाल ह कहिन कि अम्बिकापुर के स्वच्छता मॉडल ल पूरा देश म सराहना मिले हे अऊ देश भर के निकाय एला आदर्श मानके अपनावत हे। राज्य के नौ हजार ले जादा महिला मन समूह बनाके कचरा ले धन कमावत हें। जनता के सहयोग ले स्वच्छता सर्वेक्षण म छत्तीसगढ़ पूरा देश म तीसर स्थान म आए हे।
सांसद श्री रमेश बैस ह कहिन कि पूर्व प्रधानमंत्री श्री अटल बिहारी वाजपेई के आशीर्वाद ले छत्तीसगढ़ राज्य तरक्की के रस्‍दा म आघू बढ़त हे। आज गांव-गांव म करोड़ो रूपिश के विकास काम होवत हे अऊ ये राज्य देश के विकसित राज्य मन के श्रेणी म पहुंच गए हे। स्थानीय विधायक श्री शिवरतन शर्मा ह कहिन कि भाटापारा म व्यवहार न्यायालय, ओव्हरब्रिज, एग्रीकल्चर कॉलेज, बाईपास जइसे प्रमुख काम राज्य सरकार कोति ले पूरा कराए गए हे। समारोह नगरपालिका अध्यक्ष श्री मोहन बांधे ह स्वागत भाषण दीस।



मुहाचाही:  बलौदाबाजार जिला के सिंगारपुर गांव के दिव्‍यांग सुरेन्‍द्र वैष्‍णव के कलेक्‍ट्रेट के आघू आत्‍महत्‍या करे धमकी