Sanskruti दयालदास बघेल

भोरमदेव महोत्सव : दयालदास बघेल ह करिन महोत्सव बर 10 लाख रूपये देहे के घोषणा

कवर्धा, 15 मार्च 2018। जिला के ऐतिहासिक, पुरातात्विक अऊ सांस्कृतिक महत्व के भोरमदेव महोत्सव के काल देर रात शानदार शुभारंभ होइस। पर्यटन अउ संस्कृति मंत्री श्री दयालदास बघेल के मुख्य आतिथ्य म विशिष्ट अतिथि मन कोति ले पूजा अर्चना अऊ मंत्रोच्चारण के संग महोत्सव के शुभारंभ होइस। ए अवसर म श्री बघेल ह कहिन कि भगवान भोलेनाथ के आशीर्वाद ले मुख्यमंत्री डॉ. रमन सिंह के कुशल नेतृत्व म छत्तीसगढ़ देश के अग्रणी राज्य मन म सामिल हे। उमन कहिन कि पाछू 14 बछर म भोरमदेव महोत्सव म भव्यता लाय के प्रयास करे गए हे। उमन कहिन कि पर्यटन विभाग कोति ले मैनपाट उत्सव, तातापानी उत्सव अउ बस्तर दशहरा उत्सव के आयोजन कर कलाकार मन के उत्साहवर्धन करे जात हे अऊ लाखों के तदाद म मनखे मन येमा हिस्सा लेवत हें। श्री बघेल ह भोरमदेव महोत्सव बर 10 लाख रूपया देहे के घोषणा तको करिन।
ए अवसर छत्तीसगढ़ पिछड़ा वर्ग आयोग के अध्यक्ष श्री सियाराम साहू, जिला पंचायत कबीरधाम के अध्यक्ष श्री संतोष पटेल, जनपद पंचायत अध्यक्ष बोड़ला के अध्यक्ष श्रीमती शांति संतराम धुर्वे, नगर पालिका परिषद कवर्धा अध्यक्ष श्रीमती देवकुमारी, नगर पंचायत बोड़ला अध्यक्ष, डॉ. रूपनाथ मानिकपुरी, जनपद पंचायत कवर्धा अध्यक्ष श्रीमती ज्योति भुनेश्वर चन्द्राकर, सदस्य जिला पंचायत श्रीमती विजय शर्मा, भोरमदेव सहकारी शक्कर कारखाना अध्यक्ष श्री भेलीराम चन्द्रवंशी, ग्राम पंचायत के चौरा के सरपंच श्री गोवर्धन मरकाम, कलेक्टर श्री नीरज कुमार बनसोड़, पुलिस अधीक्षक श्री लाल उमेंद सिंह, वनमंडलाधिकारी श्री प्रभात मिश्रा, जिला पंचायत सीईओ श्री कुंदन कुमार संग जिला प्रशासन के वरिष्ठ अधिकारी उपस्थित रहिन। अपर कलेक्टर श्री पी.एस.ध्रुव ह आभार प्रदर्शन करिन।



मुहाचाही:  राष्ट्रीय पंचायती राज दिवस समारोह म सहकारिता मंत्री सामिल होइन