Uncategorized

भाजपा के माथा जनता लगाही विजय तिलक- बृजमोहन

जन आशीर्वाद पदयात्रा म बृजमोहन अग्रवाल पहुंचिन संतोषी नगर, छत्तीसगढ़ नगर अऊ धरम नगर।

रायपुर, 26.03.2018। जन आशीर्वाद यात्रा म छत्तीसगढ़ के कृषि अउ सिंचाई मंत्री बृजमोहन अग्रवाल आज रायपुर दक्षिण विधानसभा क्षेत्र के संतोषी नगर, छत्तीसगढ़ नगर अऊ धरम नगर पहुंचिन इहां क्षेत्र के जनता ह उंखर हृदय ले अभिनंदन करिस। रद्दा म सियान मन के आशीर्वाद अऊ भाई-बहिनी, युवा मन के समर्थन देखते बनत रहिस। मुस्लिम समाज ह साफा पहिना के श्री अग्रवाल के अभिनंदन करिस। ए दौरान उमन संतोषी नगर के मदरसा म पढ़इया मेधावी पढ़ईया लईका मन ल पुरस्कृत करिन।
श्री अग्रवाल के ये जन आशीर्वाद पद यात्रा संतोषी नगर ओवरब्रिज ले चालू होके, दुर्गा मंदिर, शिव साईं मंदिर, प्रगति विहार कॉलोनी, शीतला मंदिर, संतोषी नगर मेन रोड, मस्जिद रोड, आर्य समाज मंदिर, शिवाजी चौक, बमलई चौक, त्रिमूर्ति मंदिर, रिंग रोड बाईपास होत घासीदास मैदान, ताज नगर, श्री राम मैदान, श्रद्धानंद स्कूल, एकर बाद छत्तीसगढ़ नगर चौक, अंबेडकर चौक, धर्मनगर, पचपेड़ी नाका मेन रोड म खतम होइस।





ए दौरान आयोजित कई ठन नुक्कड़ सभा मन म क्षेत्र के नागरिक मन ल संबोधित करत बृजमोहन अग्रवाल ह कहिन कि संतोषी नगर, छत्तीसगढ़ नगर अऊ धर्मनगर म होवत विकास ए लोकतंत्र म आप मन कोति ले हम जनप्रतिनिधि मन ल देहे जीत रूपी ताकत के परिणाम हे। मोर सौभाग्य हे कि पाछू 27 साल ले रायपुर शहर के जनता के प्रेम मोला मिलत हे। मोर हमेसा प्रयास रहिथे कि आप सबो मन के उम्मीद मन म खरा उतरत रहंव।

उमन कहिन कि पाछू 14 साल म छत्तीसगढ़ राज्य के विकास ल भारतीय जनता पार्टी के हमर सरकार ह नवा दिशा प्रदान करे हे। मूलभूत सुविधा मन ल पूरा करे के संगें-संग जनता के जीवन म खुशहाली कइसे आवय, ओ मन ल अपन तकलीफ ले निजात कइसे मिलय, बेरोजगार मन ल रोजगार कइसे मिलय एखर कोति घलोक हमर भाजपा सरकार ह ठोस कदम उठाए हे। एक रुपए किलो म चांउर देहे करे के योजना होवय या बहिनी मन ल उज्ज्वला योजना के तहत गैस सिलेंडर देहे के योजना, हमर मंशा ए योजना मन म दिख जाथे के हम समाज के आखरी लकीर म खड़े कमजोर मनखे, कमजोर परिवार के चिंता कइसे करत हवन।




उमन आघू कहिन के आशा भर नही हमला पूरा विश्वास हे कि छत्तीसगढ़ के जनता 2018 के विधानसभा चुनाव म अउ 2019 के लोकसभा चुनाव म फेर भारतीय जनता पार्टी माथा म विजय तिलक लगाही।
ए अवसर म प्रदेश भाजपा उपाध्यक्ष सुनील सोनी, संनिर्माण कर्मकार मंडल के अध्यक्ष मोहन एंटी, श्रम कल्याण मंडल के उपाध्यक्ष सुभाष तिवारी, आरडीए उपाध्यक्ष रमेश सिंह ठाकुर, भाजयुमों अल्पसंख्यक मोर्चा के प्रदेशाध्यक्ष डॉ सलीम राज, भाजयुमों प्रदेश महामंत्री संजु नारायण सिंह, हेमलता चंद्राकर, महिला मोर्चा जिला अध्यक्ष शैलेन्द्री परगनिया, किसान मोर्चा जिला अध्यक्ष अजय साहू, जिला भाजपा कोषाध्यक्ष योगी अग्रवाल, विजय अग्रवाल, जोन अध्यक्ष सालिक सिंह ठाकुर, पार्षद आकाश दुबे, यादराम साहू, किरण साहू, एल्डरमेन राकेश सिंह, चूड़ामणि निर्मलकर, रमेश गांधी, मुकेश पंजवानी, विनय ओझा, बिहारीलाल साहू संग सैकड़ों के संख्या म भाजपा कार्यकर्ता उपस्थित रहिन।



मुहाचाही:  चटनी बनाए ल छत्तीसगढ़ के मंत्री मन ल किसान मन देहीं पताल