रायपुर

बुद्ध जयंती के अवसर म होइस कइ ठन कार्यक्रम के आयोजन

छत्तीसगढ़ राज्य अल्पसंख्यक आयोग से पढ़ईया लईका मन अऊ समाज सेवक मन ल करे गीस सम्मानित

रायपुर, 01 मई 2018। छत्तीसगढ़ राज्य अल्पसंख्यक आयोग के संग बुद्ध इंटरनेशनल मल्टीपररस फाउण्डेशन छत्तीसगढ़ के माध्यम ले बुद्ध जयंती हर्षोल्लास ले मनाए गइस। गांधी उद्यान रायपुर म आयोजित जयंती कार्यक्रम म कई ठन प्रतियोगिता मन के घलोक आयोजन करे गीस। चुने गए प्रतिभागि मन अउ उत्कृष्ट समाज सेवक मन ल ए अवसर म पुरस्कृत करे गीस। ए अवसर म बुद्ध के प्रेम करूणा, नृत्य ध्यान (सक्रिय योगा) के संग बुद्ध के विपश्यना-आनापान, मैत्तीभावना के सत्संग होइस अऊ बुद्ध के पूजा के संग त्रिशरण पंचशील (महापरित्राण पाठ) धार्मिक संस्कार पूरा करे गीस।




आयोग के सचिव श्री बद्रीश सुखदेवे ह बताइस कि ए अवसर म बुद्ध के जीवनी उपर आधारित पुस्तक के विमोचन करे गीस अउ राज्य अल्पसंख्यक आयोग के अधिनियम व कल्याणकारी योजना मन के पुस्तक, ब्रोशर, पाम्पलेट आदि के वितरण करे गीस। ए अवसर म आयोग के अध्यक्ष श्री सुरेन्द्र सिंह केम्बो, सदस्य श्री तौकिर रजा, बौद्ध धर्म गुरू भदन्त डॉ. बुद्धरत्न संबोधी महाथेरोजी, श्रीमती ताहिरा अल्वी खान, सर्वश्री सुमित टंडन, जाहिद अहमद, प्रकाश ठेंगडी, रघुनंदन साहू, जोहन पायला संग बड़ संख्या म छात्र-छात्रा अउ गणमान्य नागरिक उपस्थित रहिन।


मुहाचाही:  मुख्यमंत्री ह देश के वरिष्ठ शिल्पकार मन ल करिन पुरस्कृत अऊ सम्मानित