डॉ. रमन सिंह

मुख्यमंत्री ले छत्तीसगढ़ भारोत्तोलन टीम करिस सौजन्य मुलाकात

नई दिल्ली म आयोजित सिविल सर्विसेज भारोत्तोलन प्रतियोगिता म छत्तीसगढ़ ल मिलीस टीम चैम्पियनशिप

रायपुर, 5 अप्रैल 2018। मुख्यमंत्री डॉ. रमन सिंह ले आज इहां ऊंखर निवास कार्यालय म ऑल इंडिया सिंविल सर्विसेज भारोत्तोलन प्रतियोगिता म छत्तीसगढ़ के प्रतिनिधित्व करइया टीम के सदस्य मन ह टीम मेनेजर श्री राजेन्द्र सिंह यादव के नेतृत्व म सौजन्य मुलाकात करिन। मुख्यमंत्री ह छत्तीसगढ़ के टीम ल टीम चैम्पियनशिप मिले म अपन बधाई अउ शुभकामना दीन।
मुख्यमंत्री ले मुलाकात के बेरा टीम के मेनेजर श्री राजेन्द्र सिंह ह बताइस कि नई दिल्ली म पाछू 23 ले 26 मार्च तक आयोजित भारोत्तोलन प्रतियोगिता म छत्तीसगढ़ के टीम ल टीम चैम्पियनशिप ट्राफी के संग टीम के दू सदस्य मन ल पदक हासिल मिले हे। एमां शिक्षा विभाग के श्री आलोक द्विवेदी ल वेटलिफ्टिंग म रजत अऊ वन विभाग के श्री संघदीप रामटेके ल पावर लिफ्टिंग म कांस्य पदक मिले हे। ए अवसर म टीम के कोच श्री एवन कुमार संग छत्तीसगढ़ भारोत्तोलन टीम के सदस्य उपस्थित रहिन।


मुहाचाही:  मुख्यमंत्री ह दुलदुला म 100 सीट के कौशल विकास केन्द्र शुरू करे के करिस घोषणा