Helth अजय चन्द्राकर

स्वास्थ्य के क्षेत्र म छत्तीसगढ़ ल दू राष्ट्रीय पुरस्कार

रायपुर, 29 जून 2018। स्वास्थ्य के क्षेत्र म छत्तीसगढ़ ल आज दू राष्ट्रीय पुरस्कार देहे गीस। मातृ मृत्यु दर म कमी अऊ प्रधानमंत्री सुरक्षित मातृत्व अभियान म बढि़या प्रदर्शन बर छत्तीसगढ़ ल पुरस्कृत करे गीस। प्रधानमंत्री सुरक्षित मातृत्व अभियान के उत्कृष्ट क्रियान्वयन बर छत्तीसगढ़ ल ’’आई प्लेज फॉर 9 अचीवर्स अवार्ड’’ ले नवाजे गीस। ये अवार्ड आज नई दिल्ली म आयोजित गरिमामय कार्यक्रम म छत्तीसगढ़ के स्वास्थ्य मंत्री श्री अजय चंद्राकर ह केन्द्रीय स्वास्थ्य अउ कुटुंब कल्याण मंत्री श्री जे.पी. नड्डा के हाथ झोंकिन। प्रदेश के तीन निजी चिकित्सक मन ल घलोक ’’आई प्लेज फॉर 9 अचीवर्स अवार्ड’’ ले सम्मानित करे गीस। जेमा बिलासपुर जिला के दू स्त्री रोग विशेषज्ञ डॉ. गीतिका शर्मा अउ डॉ. सुपर्णा मिश्रा अउ रायपुर जिला के डॉ. पूजा उपाध्याय सामिल हे। ए अवसर म केंन्द्रीय स्वास्थ्य राज्य मंत्री श्री अश्विनी कुमार चौबे, श्रीमती अनुप्रिया पटेल संग राज्य मन ले आए स्वास्थ्य मंत्रीगण उपस्थित रहिन।
ए अवसर म स्वास्थ्य सचिव श्रीमती निहारिका बारिक, मिशन संचालक राष्ट्रीय स्वास्थ्य मिशन डॉ. सर्वेश्वर नरेन्द्र भुरे, उप संचालक डॉ. अलका गुप्ता उपस्थित रहिन।



मुहाचाही:  मुख्य सचिव ह कहिन पीलिया ले कोनो मौत झन होवय