डॉ. रमन सिंह

मंत्रिपरिषद के बैठक : अनिवार्य सेवानिवृति के मामला मन म समिति के गठन के निरनय

रायपुर 27 अप्रैल 2018। मुख्यमंत्री डॉ. रमन सिंह के अध्यक्षता म आज इहां मंत्रालय म आयोजित मंत्रिपरिषद के बैठक म अनिवार्य सेवानिवृति के मामला मन म शासकीय सेवक मन के अभ्यावेदन मन उपर विचार करे बर समिति मन के गठन के निर्णय ले गीस।
शासकीय सेवक मन बर 50 साल के आयु या 20 साल के सेवा पूरा करे के बाद अनिवार्य सेवा निवृति के आदेश के विरूद्ध अभ्यावेदन के अवसर देहे बर परिपत्र जारी करे जाही, जेमां विभागाध्यक्ष, राजपत्रित अधिकारी मन अऊ अराजपत्रित कर्मचारी मन कोति ले प्रस्तुत अभ्यवेदन मन म विचार करे बर अभ्यावेदन समिति के गठन करे जाही। समिति मन ए प्रकार के होहीं –


  • विभागाध्यक्ष मन ले मिले अभ्यावेदन उपर विचार बर मुख्य सचिव के अध्यक्षता म समिति गठित करे जाही। ये मां वित्त विभाग के अपर मुख्य सचिव/प्रमुख सचिव अउ विधि विभाग के प्रमुख सचिव सदस्य होहीं। सामान्य प्रशासन विभाग के अपर मुख्य सचिव/ प्रमुख सचिव ए समिति के सदस्य सह संयोजक होहीं।
  • पहिली अऊ दूसर श्रेणी सेवा के अधिकारी मन के अभ्यावेदन उपर विचार करे बर गठित समिति म मुख्य सचिव कोति ले नामांकित अपर मुख्य सचिव अध्यक्ष होहीं। समिति म संबंधित विभाग के प्रमुख सचिव/सचिव सदस्य- सह-संयोजक होहीं अऊ सामान्य प्रशासन विभाग के प्रमुख सचिव/सचिव सदस्य के रूप म सामिल रहिहीं।
  • तीसर अऊ चतुर्थ श्रेणी सेवा के कर्मचारि मन के अभ्यावेदन मन उपर विचार करे बर सामान्य प्रशासन विभाग के सचिव के अध्यक्षता म समिति के गठन करे जाही। ए समिति म प्रशासकीय विभाग के सचिव सदस्य होहीं अऊ संबंधित विभाग के विभागाध्यक्ष सदस्य-सह-संयोजक होहीं।
मुहाचाही:  विकास यात्रा 2018 : मुख्यमंत्री ह करिस 457 करोड़ के निर्माण कार्य मन के लोकार्पण-भूमिपूजन