डॉ. रमन सिंह बृजमोहन अग्रवाल

राज्य म बालिका शिक्षा ल लेके अभूतपूर्व जागरूकता: डॉ. रमन सिंह

रायपुर 20 मार्च 2018। मुख्यमंत्री डॉ. रमन सिंह ह कहिन के लोक सुराज अभियान के तहत प्रदेश के दूर-दराज गांव मन म पहुंचे म मोला बालिका मन के शिक्षा के बर समाज म आवत अभूतपूर्व जागरूकता देखे ल मिलीस। मैं ह ये घलोक देखेंव के कई गांव मन के स्कूल मन म बेटी मन के दर्ज संख्या बेटा मन के तुलना म जादा हे। डॉ. सिंह ह आज रात इहां समता कॉलोनी म गनपत राय सेवा सदन (कन्या छात्रावास) के लोकार्पण करत ए आशय के विचार व्यक्त करिन। आप मन ल बता देवन के 160 सीट वाले ए छात्रावास भवन के निर्माण हरगोविंद राय गनपत राय चेरिटेबल ट्रस्ट कोति ले करे गए हे।




कृषि मंत्री श्री बृजमोहन अग्रवाल ह कहिन कि महाराज अग्रसेन ह समाजवाद के जऊन रद्दा देखाय हें ओ मा चलके स्व. गणपत राय के परिवार के मनखे मन ह अपन पिता के इच्छा पूरा करे हें, एखर ले बड़े कोनो काम नइ हो सकय। ये सेवा सदन बालिका मन के शिक्षा ल गढ़े बर एक सार्थक कदम साबित होही, एखर बर ट्रस्ट के सबो पदाधिकारी साधूवाद के पात्र हें। कार्यक्रम म रायपुर नगर निगम के महापौर श्री प्रमोद दुबे, शंकराचार्य आश्रम के स्‍वामी इंदू भावानंद ह घलोक अपन विचार व्यक्त करिन। कार्यक्रम म हरगोविंद राय गनपत राय चेरिटेबल ट्रस्ट के प्रमुख ट्रस्टी श्री रमेश अग्रवाल ह गनपतराय सेवा सदन के विस्तृत जानकारी दीन। ए अवसर म ट्रस्ट कोति ले मुख्यमंत्री डॉ. रमन सिंह अऊ कृषि मंत्री श्री बृजमोहन अग्रवाल संग सबो अतिथि मन ल चिनहा भेंटकरके सम्मानित करिस।




मुहाचाही:  मुख्यमंत्री सामिल होइन भटगांव समाधान शिविर म