राजेश मूणत

लोक निर्माण मंत्री श्री मूणत ह केन्द्रीय मंत्री श्री नितिन गडकरी ले करिन मुलाकात

छत्तीसगढ़ के सड़क परियोजना मन के बारे म विचार-विमर्श

रायपुर, 22 मार्च 2018। लोक निर्माण मंत्री श्री राजेश मूणत ह आज नई दिल्ली म केन्द्रीय सड़क परिवहन अऊ राजमार्ग विकास मंत्री श्री नितिन गडकरी ले मुलाकात करिन। उमन ट्रांसपोर्ट भवन म श्री गडकरी के संग बैठक म छत्तीसगढ़ बर सड़क मन अऊ पुल-पुलिया मन ले संबंधित कई ठन विषय म विचार-विमर्श करिन।
श्री मूणत ह राज्य के 17 बाइपास सड़क मन के शहरी हिस्सा मन म सुधार काम बर जरूरी राशि मंजूर करे के अनुरोध करिन। श्री गडकरी ह ओ मन ल ए मा जल्दी कार्रवाई के आश्वासन दीन। श्री मूणत के संग लोकनिर्माण विभाग के सचिव श्री सुबोध कुमार सिंह घलोक बैठक म उपस्थित रहिन। श्री मूणत ह श्री गडकरी ले छत्तीसगढ़ के तीन महत्वपूर्ण मार्ग ल राष्ट्रीय राजमार्ग घोषित करे के घलोक प्रस्ताव दीन। एमां कबीरधाम (कवर्धा) जिला के अंतर्गत पण्डरिया-बजाग- गाड़ासरई मार्ग अउर अम्बिकापुर-भैसामु़डा-वाड्रफनगर- धनगांव- बम्हनी-रेनकुट-बनारस मार्ग अऊ रायगढ़-धरमजयगढ़ मार्ग सामिल हे। श्री मूणत ह ये घलोक बताइन कि छत्तीसगढ़ के रायपुर-जगदलपुर अउ महाराष्ट्र के चन्द्रपुर-नागपुर ल जोड़इया राष्ट्रीय राजमार्ग क्रमांक-30 म कई ठन स्थान मन म मरम्मत बर घलोक राशि स्वीकृत करे के अनुरोध करे गए हे। श्री मूणत ह राष्ट्रीय राजमार्ग क्रमांक-202, भोपालपटनम्-तारलागुडा मार्ग के डामरीकरण अउर केन्द्रीय सड़क योजना (सी.आर.एफ.) के अंतर्गत 6 कार्य मन बर 296 करोड़ 91लाख रूपिया मंजूर करे के आग्रह करे हें।



मुहाचाही:  लोक निर्माण मंत्री श्री मूणत ह ‘हाइड्रोसीडिंग’ ले घास लगाय के तकनीक के करिस अवलोकन