डॉ. रमन सिंह रायपुर

मुख्यमंत्री ह संवाद के नवा भवन म करिन इलेक्ट्रॉनिक मीडिया न्यूज सेंटर के अवलोकन

रायपुर 27 अप्रैल 2018। मुख्यमंत्री डॉ. रमन सिंह ह आज संझा नया रायपुर के सेक्टर-19 म जनसम्पर्क विभाग के सहयोगी संस्था अऊ मल्टी मीडिया एजेंसी छत्तीसगढ़ संवाद के नवनिर्मित भवन के लोकार्पण करे के बाद उहां इलेक्ट्रॉनिक मीडिया न्यूज सेंटर के अवलोकन करिन। लोकार्पण समारोह के अध्यक्षता रायपुर के लोकसभा सांसद श्री रमेश बैस ह करिन। कृषि अऊ जल संसाधन मंत्री श्री बृजमोहन अग्रवाल, लोक निर्माण, आवास अऊ पर्यावरण मंत्री श्री राजेश मूणत, गृह निर्माण मंडल के अध्यक्ष श्री भूपेन्द्र सवन्नी अऊ आरंग के विधायक श्री नवीन मारकण्डेय समारोह म विशेष अतिथि के रूप म उपस्थित रहिन। ए अवसर म मुख्य सचिव श्री अजय सिंह, वन विभाग के अपर मुख्य सचिव श्री से.के. खेतान, मुख्यमंत्री के प्रमुख सचिव श्री अमन कुमार सिंह, लोक निर्माण विभाग के सचिव श्री सुबोध कुमार सिंह, जनसम्पर्क विभाग के विशेष सचिव अऊ छत्तीसगढ़ संवाद के मुख्य कार्यपालन अधिकारी श्री राजेश सुकुमार टोप्पो, जनसम्पर्क विभाग के पहिली सचिव अऊ छत्तीसगढ़ संवाद के पहिली मुख्य कार्यपालन अधिकारी श्री जी.एस. मिश्रा अउ आन बहुत अकन वरिष्ठ अधिकारी समारोह म मौजूद रहिन।




एकर पहिली मुख्यमंत्री डॉ. रमन सिंह ह आज संझा नवा रायपुर के सेक्टर-19 म जनसम्पर्क विभाग के सहयोगी संस्था अऊ मल्टी मीडिया एजेंसी छत्तीसगढ़ संवाद के नवनिर्मित भवन के लोकार्पण करिन। करीबन 30 करोड़ रूपिया के लागत ले ए भवन के निर्माण छत्तीसगढ़ गृह निर्माण मंडल कोति ले करे गए हे।

मुहाचाही:  मुख्यमंत्री डॉ. सिंह ह सुकुलइदहान म बुनकर मन के काम के करिन प्रशंसा