Sanskruti डॉ. रमन सिंह प्रेमप्रकाश पाण्डेय

छत्तीसगढ़ सरकार के योजना मन रामराज्य के भावना के जइसे : डॉ. रमन सिंह

मुख्यमंत्री सामिल होइन श्रीराम जन्मोत्सव कार्यक्रम म

रायपुर, 26 मार्च 2018। मुख्यमंत्री डॉ. रमन सिंह भिलाईनगर के सेक्टर-1 स्थित रामलीला मैदान म श्रीराम जन्मोत्सव के कार्यक्रम म सामिल होइन। उमन कहिन कि रामायण अऊ रामचरितमानस जइसे महाकाव्य मन म जऊन आदर्श रामराज्य के बताए गए हे, वो अभी हाल के छत्तीसगढ़ प्रदेश बर घलोक प्रेरणादायक हे। रामराज्य के भावना के जइसे छत्तीसगढ़ सरकार कोति ले समाज के सबो वर्ग मन के खुशहाली बर योजना मन ल लागू करे गए हे।




उमन कहिन कि भगवान श्रीरामचंद्र जी के राज्य म कोनो मनखे भूखे नइ रहत रहिस। छत्तीसगढ़ सरकार ह आदर्श सार्वजनिक वितरण प्रणाली लागू करे हे अऊ प्रदेश के गरीब मन ल खाद्य सुरक्षा अऊ पोषण सुरक्षा कानून बनाके भोजन के अधिकार देहे हे। गरीब मन ल सिरिफ एक रूपिया किलो म चांउर देहे जात रहा हे। नमक निःशुल्क वितरित करे जात हे। एखर से भूख के समस्या खतम हो गए हे। अब छत्तीसगढ़ म कोनो मनखे भूखे नइ सुतय। डॉ. रमन सिंह ह कहिन कि पौराणिक इतिहासकार मन के मुताबिक छत्तीसगढ़ भगवान राम के ननिहाल ये अऊ अपन वनवास के समय उमन ए क्षेत्र म दण्डकारण्य ले घलोक वनगमन करे हें। छत्तीसगढ़ के रामनामी सम्प्रदाय के उल्लेख करत मुख्यमंत्री ह कहिन कि भगवान राम के अइसन भक्त पूरा विश्व म सिरिफ छत्तीसगढ़ म ही हे, जेमन अपन पूरा शरीर म भगवान राम के नाम गोदवा लेहे हें। उमन कहिन कि भगवान राम के कृपा अऊ आशीर्वाद ले ही छत्तीसगढ़ विकास के रस्ता म तेजी ले आगू बढ़त हे। मुख्यमंत्री ह पाछू 33 बछर ले सरलग राम जन्मोत्सव मनाए के परम्परा ल जीवन्त रखे बर भिलाईवासी मन अऊ राज्य के राजस्व मंत्री अउ भिलाई के विधायक श्री प्रेम प्रकाश पाण्डेय ल बधाई अऊ शुभकामना घलोक दीन।



मुहाचाही:  बस्तर के संस्कृति ल प्रदर्शित करत दृश्य मन के मंत्री ह करिस प्रशंसा