Chhattisgarhi

inh news म अब छत्‍तीसगढ़ी खबर

inh news छत्‍तीसगढ़ के बड़का मीडिया हाउस ये, येमा देस-बिदेस संग छत्‍तीसगढ़ के ताजा खबर आथे। ये न्‍यूज के टीवी चैनल तको हावय जेमा छत्‍तीसगढ़ी के चलचित्र समाचार आथे। आज हमला येमा छत्‍तीसगढ़ी म टेक्‍स्‍ट समाचार तको दिखिस। छत्‍तीसगढ़ी भाषा के दस्‍तावेजीकरण अउ इंटरनेट म सर्च इंजन मन म छत्‍तीसगढ़ी भाषा के डेटा ल खोजे म सक्षम बनाए खातिर अभी हमला छत्‍तीसगढ़ी के शब्‍द येमा सरलग डारत रहना हवय। हमर इही उदीम ले इंटरनेट म छत्‍तीसगढ़ी भाषा के सामाग्री इंटरनेट म भराही। एखर से इंटरनेट ह हमर भाषा के शब्‍द मन ल समझ के हमर खोज म हमला सहायता करही।
अभी हमारा भाषा के शब्‍द मन के इंटरनेट म अड़बड़ खजाना भरना बांचे हे, इंटरनेट म काम करईया छत्‍तीसगढ़ी भाषा के सेवक मन ल इंटरनेट सर्च के तकनीकि पहलू ल सोंच के बिगर नाव कमाए के संउख रखे भाषा के भंडार भरे के उदीम करना चाही। जय जोहार टीवी ह अइसनहे उदीम म लगे हे। इही कड़ी म inh news के छत्‍तीसगढ़ी समाचार के टेक्‍स्‍ट वर्जन इंटरनेट म देख के हमला खुसी होईस। जय छत्‍तीसगढ़, जय छत्‍तीसगढ़ी।



मुहाचाही:  मुख्यमंत्री डॉ. रमन सिंह ह प्रधानमंत्री श्री नरेन्द्र मोदी से करिन सौजन्य मुलाकात