Sahitya

बेमेतरा म होली मिलन अउ भव्‍य हास्‍य कवि सम्‍मेलन

बेमेतरा, सिटी प्रेस क्लब बेमेतरा कोति ले होली मिलन के कार्यक्रम 9 मार्च सुकवार के दिन गुरू कृपा पैलेस जिला बेमेतरा मे रखे गए रहिस। ये कार्यक्रम म हास्य व्यंग्य कवि सम्मेलन के आयोजन तको होइस। कवि सम्मेलन मे प्रमुख रूप ले रामानन्द त्रिपाठी हास्य व्यंग्य के वरिष्‍ठ कवि के संचालन मे बेमेतरा ले गोकुल बंजारे चंदन गीतकार, नवागढ़ ले मनोज श्रीवास्तव हास्य व्यंग्य, थानखम्हरिया ले सुनील शर्मा नील वीर रस, बेमेतरा ले सत्य धर बांधे हास्य व्यंग्य, संण्डी ले संदीप साहू हास्य व्यंग्य, बेमेतरा ले मनोज पाटिल गीतकार अउ हास्य व्यंग्य कवि ह अपन रचना मन ले सकलाए मनखे मन के मन ल मंत्र मुग्ध कर दीन।
ये बेरा म बेमेतरा के विधायक अवधेश चंदेल, बेमेतरा कलेक्टर कार्तिकेय गोयल, जिला पुलिस अधिक्षक डी.पी.गर्ग, भा.ज.पा. जिला अध्यक्ष राजेन्द्र शर्मा, कांग्रेस जिला अध्यक्ष आशीष छाबड़ा, जोगी कांग्रेस जिला अध्यक्ष योगेश तिवारी, न.पा. अध्यक्ष विजय सिन्हा संग आन जनप्रतिनिधि अउ गण मान्य नागरिक उपस्थित रहिन। ये कार्यक्रम मे सिटी प्रेस के जम्‍मो पदाधिकारी अउ सदस्य गण मौजूद रहिन।



मुहाचाही:  खुमान साव के अभूतपूर्व नागरिक अभिनंदन : मधूसूदन तको पहूंचिस