बृजमोहन अग्रवाल

छत्तीसगढ़िया-उड़िया मिलके करत हें प्रदेश के विकास- बृजमोहन

रायपुर, 02.04.2018। उत्कल गाड़ा समाज छत्तीसगढ़ कोति ले आज उत्कल दिवस समारोह मनाए गीस। ए समारोह के मुख्य अतिथि छत्तीसगढ़ प्रदेश के कृषि अउ सिंचाई मंत्री बृजमोहन अग्रवाल रहिन। ये आयोजन जे.एन. पाण्‍डेय स्कूल के मैदान म संपन्न होइस। ए अवसर म उपस्थित उत्कल बंधु मन ल संबोधित करत श्री अग्रवाल ह कहिन कि उत्कल अऊ छत्तीसगढ़ के अटूट रिश्ता हे। ये एक दूसर ले कभी जुदा नइ हो सकय। उड़िया अऊ छत्तीसगढ़िया के प्रेम देश म मिसाल हे दुनों मिलके अपन छत्तीसगढ़ प्रदेश ल विकास के रस्ता म आगू लेके जावत हे। ए अवसर म श्री अग्रवाल ह समाज के मनखे मन ल सम्मानित घलोक करे गीस।
ए कार्यक्रम म आरडीए अध्यक्ष संजय श्रीवास्तव, रायपुर उत्तर विधानसभा के विधायक श्रीचंद सुंदरानी ह घलोक समाज ल संबोधित करिन। ए समारोह के संयोजक किशोर महानंद, सहसंयोजक नेमराज बाघ अऊ चक्रों जगत रहिन। कार्यक्रम म भाजयुमों प्रदेश महामंत्री संजूनारायण सिंह, मंडल अध्यक्ष कमलेश शर्मा, चूड़ामणि निर्मलकर सदाशिव सोनी आदि उपस्थित रहिन।


मुहाचाही:  देश के विकास ल छत्तीसगढ़ ह दीस नवा परिभाषा- बृजमोहन