Lok Suraj अजय चन्द्राकर डॉ. रमन सिंह

मुख्यमंत्री ह धमतरी जिला के कुरूद विकासखंड के जोरातराई गांव ल दीन बहुत अकन भेंट

समाधान शिविर म हाई स्कूल के उन्नयन हायर सेकेण्डरी स्कूल म करे के घोषणा

रायपुर, 26 मार्च 2018। मुख्यमंत्री डॉ. रमन सिंह ह आज प्रदेशव्यापी लोक सुराज अभियान के तहत धमतरी जिला के कुरूद विकासखंड स्थित ग्राम जोरातराई (अ) के समाधान शिविर म गांव के विकास बर बहुत अकन विकास काम मन के घोषणा करिन। उमन जोरातराई म मिनी स्टेडियम बनाए बर 40 लाख रूपिया अऊ जोरातराई अउ सिंगदेही गांव के बीच नाला म एनीकट बनाए के स्वीकृति के घोषणा करिन। शिविर म गांव वाले मन ह जोरातराई म पेयजल के समस्या के बारे म बताइन। मुख्यमंत्री ह ए समस्या के निराकरण बर ओव्हरहेड टैंक अऊ पाइपलाइन विस्तार बर तुरंते स्वीकृति प्रदान कर दीन। शिविर म पंचायत अउ ग्रामीण विकास मंत्री श्री अजय चन्द्राकर, जिला पंचायत धमतरी के अध्यक्ष श्री रघुनंदन साहू अऊ कुरूद जनपद के अध्यक्ष श्रीमती पूर्णिमा साहू संग मुख्य सचिव श्री अजय सिंह, मुख्यमंत्री के सचिव श्री सुबोध कुमार सिंह, बहुत अकन जनप्रतिनिधि, वरिष्ठ अधिकारी अऊ ग्रामीण बड़ संख्या म उपस्थित रहिन।



मुहाचाही:  मुख्यमंत्री ह विश्व प्रसिद्ध अंतरिक्ष वैज्ञानिक श्री स्टीफन हॉकिन्स के निधन म शोक प्रकट करिन