Lok Suraj डॉ. रमन सिंह

दिव्यांग रीना के पढ़ाई के रसदा होइस आसान : पढ़-लिखके बनही क्लर्क

रायपुर, 26 मार्च 2018। बेमेतरा जिला के ग्राम कोचेरा के दिव्यांग छात्रा कु. रीना कोसमा के आगू के पढ़ाई के रसदा अब आसान हो गीस। आज भण्डेरा म आयोजित समाधान शिविर म रीना ल मुख्यमंत्री डॉ. रमन सिंह के हाथ बैटरी चलित ट्राईसाइकल मिलीस। रीना ह अभी दसवीं के परीक्षा देहे हे। आगू के 11वीं के पढ़ाई बर ओला चार किलोमीटर दूरिहा भीमकन्हार गांव जाना परही। रीना ह बताइस कि ओला कक्षा छठवीं म ट्राईसाइकल मिले रहिस, जेन टूट गए हे। वो ह लोक सुराज अभियान के तहत नवा ट्राईसाइकल बर आवेदन देहे रहिस अऊ आज ओला नवा ट्राईसाइकल मिल गीस। रीना ह खुश होत बताइस कि अब ओ ह चार किलोमीटर के दूरी आसानी ले पूरा कर लिही। रीना ह ये घलोक बताइस कि पढ़-लिखके ओ ह क्लर्क बनना चाहथे।



मुहाचाही:  फूल के बरसा ले मुख्यमंत्री के होइस आत्मीय स्वागत