Yojana

दिव्यांगजन राज्य स्तरीय पुरस्कार योजना

रायपुर 05 मई 2018। राज्य शासन कोति ले दिव्यांगज अउ ऊंखर हितार्थ काम करइया संस्था मन ल प्रोत्साहन देहे अउ दिव्यांगजन मन के पूरा पुनर्वास बर समुदाय ल प्रेरित करे के उद्देश्य ले साल 2004-05 म दिव्यांगजन राज्य स्तरीय पुरस्कार योजना के शुरुआत करे गए हे। समाज कल्याण विभाग कोति ले ये पुरस्कार चार ठन श्रेणी म देहे जाही।




ए राज्य स्तरीय पुरस्कार के तहत सबले बढ़िया दिव्यांग कर्मचारी बर चार श्रेणी दृष्टि बाधित, श्रवण बाधित, अस्थि बाधित, प्रमस्तिष्क अंगघात/बहुविकलांग म ले हर एक श्रेणी म 05 हजार रुपए नगद, प्रमाण पत्र अऊ प्रशस्ति पत्र प्रदान करे जात हे। सबले बढ़िया नियोक्ता (दिव्यांगजन मन के सन्दर्भ म) बर चार श्रेणी दृष्टि बाधित, श्रवण बाधित, अस्थि बाधित, प्रमस्तिष्क अंगघात/बहुविकलांग म ले हर एक श्रेणी म ल 10 हजार रुपए नगद, प्रमाण पत्र अऊ प्रशस्ति पत्र दिव्यांगजन मन के हितार्थ कार्यरत सबले बढ़िया स्वैच्छिक संस्था ल चार श्रेणी दृष्टि बाधित, श्रवण बाधित, अस्थि बाधित, प्रमस्तिष्क अंगघात/बहुविकलांग म ले हर एक श्रेणी म 05 हजार रुपए नगद, प्रमाण पत्र अऊ प्रशस्ति पत्र प्रदान करे जात हे। इही प्रकार दिव्यांगजन मन के पुनर्वास बर, बाधारहित वातावरण, शिक्षण-प्रशिक्षण, स्वरोजगार अउ दिव्यांग जन अधिनियम म प्रावधानित आन सुविधा प्रदान करके दिव्यांगजन मन के उत्थान बर काम करइया सबले बढ़िया जिला ल एक शील्ड, प्रमाण पत्र अऊ प्रशस्ति पत्र प्रदान करे जात हे। ए पुरस्कार बर जिला स्तर म संयुक्त संचालक /उप संचालक समाज कल्याण विभाग ल निरधारित प्रपत्र म आवेदन प्रस्तुत करना होथे एखर बाद जिला कलेक्टर के अनुशंसा ले मिले आवेदन मन म राज्य स्तरीय समिति कोति ले निर्णय ले जाथे।


मुहाचाही:  सौर सुजला योजना ले बदलत हे किसान मन के तकदीर