Lok Suraj डॉ. रमन सिंह

कुमारी बाई ह मीठ तेंदू ले करिस मुख्यमंत्री के मयारू स्‍वागत : डॉ. सिंह ह मजा से खायिस तेंदू

रायपुर, 17 मार्च 2018। लोक सुराज अभियान के तहत मुख्यमंत्री आज धमतरी जिला के नगरी विकासखण्ड के गांव डोंगरडुला अचानक पहुंचिन। गांव घूमत बेरा मुख्यमंत्री गांव के मंदिर तीर रहइया श्रीमती कुमारी बाई के घर घलोक गीन। कुमारी बाई विधवा हें। ऊंखर पति रति राम के कुछ साल पहिली निधन हो गए हे। कुमारी बाई ल प्रधानमंत्री गृह मिले हे जिहां वो अकेली रहिथे। ओखर कोनो संतान नइ हे। कुमारी बाई ह मुख्य मंत्री ले कहिन कि मुश्किल बेरा म सरकार ले ओ मन ल बहुत सहारा मिलीस। मकान नइ रहिस, मकान मिल गीस। ऊंखर तिर कोनो जमीन नइ हे। सरकार ओ मन ल हर महीना 350 रुपया पेन्शन देथे। कुमारी बाई ह भावुक होत कहिन कि आज राजा ऊंखर घर आये हें फेर मैं स्वागत नइ कर पात हंव। उमन अंगना म रखे तेंदू के फल मुख्यमंत्री ल खाए ल दीन। मुख्यमंत्री ह तेंदू मजा से खाखिन अऊ कहिन कि लइकई म मैं अड़बड़ तेंदू बड़ स्वाद ले खावत रहेंव। मुख्य सचिव श्री अजय सिंह ह घलोक तेंदू फल चिखिन।



मुहाचाही:  मुख्यमंत्री ह महिला कमाण्डो के 35 पुलिस कर्मी मन ल दीन सायरन लगे फटफटी