Lok Suraj डॉ. रमन सिंह

पहली कक्षा के नेत्रहीन लइका राजू ले धाराप्रवाह 26 के पहड़ा सुनके चकित रहि गए मुख्यमंत्री

रायपुर, 20 मार्च 2018। मुख्यमंत्री डॉ. रमन सिंह ह आज बिहनिया जशपुर म जशपुर के दृष्टिबाधित स्कूल के लइका मन के संग नाश्ता करिन। नाश्ता के टेबल म उमन लइका मन ले गिनती अऊ पहाड़ा घलोक पूछिन। ए म पहली कक्षा के नेत्रहीन बालक राजू ह धाराप्रवाह 26 के पहाड़ा सुनाइस। मुख्यमंत्री ए नान्हें लइका राजू के याददाश्त अऊ प्रतिभा ल देखके चकित रहि गए। उमन ए लइका ल शाबाशी देवत कहिन कि 26 के पहाड़ा तो मोला घलोक बने सहिन याद नइ हे।




मोला 26 के पहाड़ा नइ आवय। उमन राजू ल आशीर्वाद दीन। डॉ. सिंह ह दृष्टिबाधित स्कूल के छात्र मन ल नाश्ता म बलाए रहिन। ए दौरान कक्षा पांचवी के नेत्रहीन छात्रा प्रियंका ह ब्रेल लिपि म लिखे आभार पत्र ल पढ़के सुनाइस, जेमां प्रियंका ह दृष्टिबाधित लइका मन बर सर्वसुविधायुक्त स्कूल बर मुख्यमंत्री ल धन्यवाद दीस। प्रियंका ह मुख्यमंत्री ले कहिन कि मैं कलेक्टर बनके देखाहूं। मुख्यमंत्री ह प्रियंका अऊ राजू संग स्कूल के छात्र मन के जज्बा के सराहना करत, ओ मन ल उज्ज्वल भविष्य बर अपन आशीर्वाद प्रदान करिन।
मुख्यमंत्री ह लइका मन ले कहिन कि ओ मन मन लगाके पढ़ाई करंय त ओ मन कोनो भी लक्ष्य ल हासिल कर सकत हें। दृष्टिबाधित लइका मन ह मुख्यमंत्री ल उत्साह के संग ‘लहरों से डरकर नौका पार नहीं होती, कोसिस करने वालों की हार नहीं होती’ कविता सुनाइन। मुख्यमंत्री ह कहिन कि ए प्रेरणादायक कविता ले मैं घलोक प्रेरित हंव। लइका मन ले मुलाकात के बाद मुख्यमंत्री अपन प्रदेशव्यापी लोक सुराज अभियान के अगला पड़ाव बर रवाना हो गीन। मुख्यमंत्री ह दृष्टिबाधित स्कूल म गुणवत्तापूर्ण शिक्षा बर स्कूल के शिक्षक मन के घलोक सराहना करिन।



मुहाचाही:  मुख्यमंत्री अचानक पहुंचिन ग्राम सेमहरा : चौपाल म कई घोषणा