रायपुर

अपराध अउ दुर्घटना म पीडि़त मनखे ल घलोक मिलही क्षतिपूर्ति: एडीजीपी श्री विज

रायपुर, 27 अप्रैल 2018। अपराध अनुसंधान विभाग, पुलिस मुख्यालय कोति ले ’पीडि़त क्षतिपूर्ति योजना’ विसय म एक दिवसीय कार्यशाला के आयोजन आज पुलिस लाइन रायपुर स्थित ट्रांजिट मेंस के सभागार म करे गीस। कार्यशाला के शुभारंभ अकतहा पुलिस महानिरीक्षक (अपराध अनुसंधान विभाग) श्री आर.के. बिज ह करिन। कार्यशाला म सबो जिला मन ले आए पुलिस अधिकारी मन ल संबोधित करत श्री विज ह कहिन कि अपराध के कोनो घटना होवय ओमा अपराधी के अलावा पीडि़त पक्ष होथे, जऊन ल मुआवजा देहे के प्रावधान हे। ये मुआवजा राशि पुलिस अधीक्षक के अभिमत के बाद कलेक्टर के माध्यम ले मिलथे। इही प्रकार से न्यायालय ले घलोक पीडि़त ल मुआवजा प्रदान करे जाय के आदेश पारित करे जाथे। जेखर सेती पीडि़त मन ल मुआवजा देवाए म पुलिस ल सकारात्मक रूप ले कार्रवाई करना चाही। श्री विज ह पुलिस अधिकारी मन ल ये घलोक निर्देशित करिन कि आरोपी अऊ पीडि़त दुनों ल सुरक्षा प्रदान करव अऊ जरूरी होही त पीडि़त ल चिकित्सीय सुविधा घलोक लउहे देवाए के बिवस्‍था करना चाही।


मुहाचाही:  तीसर लिंग समुदाय बर देश म पहली पइत सौन्दर्य प्रतियोगिता के आयोजन