डॉ. रमन सिंह

महिला अउ बाल विकास विभाग के तीन परियोजना मन ल राष्ट्रीय पुरस्कार

रायपुर, 27 जून 2018। मुख्यमंत्री डॉ. रमन सिंह ह महिला अउ बाल विकास विभाग के तीन परियोजना मन ल राष्ट्रीय पुरस्कार ले सम्मानित होए म विभागीय मंत्री श्रीमती रमशीला साहू संग विभाग के वरिष्ठ अधिकारी मन अऊ कर्मचारी मन ल बधाई अऊ शुभकामना देहे हें। महिला अउ बाल विकास मंत्री श्रीमती रमशीला साहू ह आज इहां मंत्रालय म मुख्यमंत्री ले सौजन्य मुलाकात करिन। उमन मुख्यमंत्री ल विभाग के ए उपलब्धि के जानकारी दीन। श्रीमती साहू ह बताइन के महिला अउ बाल विकास विभाग के तीन परियोजना मन ल राष्ट्रीय स्तर के 3 स्कॉच अवार्ड मिले हे। ए परियोजना मन म समय सीमा म उल्लेखनीय काम बर विभाग के दू परियोजना ल गोल्ड सम्मान ले अऊ एक परियोजना ल ताम्र सम्मान ले सम्मानित करे गए हे। एमां ले ई-डॉकेट-डब्ल्यूसीडी पोर्टल ‘eDocket – WCD portal – Gold’ परियोजना ल गोल्ड सम्मान मिले हे।




श्रीमती साहू ह बताइस कि साल 2012 ले संचालित ए परियोजना के सॉफ्टवेयर ले 3 सेकंड म अऊ 10 गुना कम लागत म पत्राचार प्रदेश के आखरी विकासखंड तक संभव होए हे। विकासखंड स्तर तक डिजिटाइजेशन ‘digitation’ संभव होए हे। गोल्ड अवार्ड ले सम्मानित होवइया दुसर परियोजना ‘वजन त्यौहार’ ‘Vajan Tyhor – Gold’ हे, जेमां हर साल अभियान चलाके हर लइका के वजन कर कुपोषण म नियंत्रण करे गए हे। तीसर परियोजना संस्कार अभियान ‘Sanskar Abhiyan – Copper’ ल ताम्र सम्मान प्राप्त होय हे।
ए अभियान म खेल-खेल म सीख के अवधारणा ले आंगनबाड़ी ल लइका मन बर आकर्षक बनाए गए हे। ए अभियान के परिणाम स्वरूप आंगनबाड़ी मन म देहे जात सेवा मन के गुणवत्ता बाढ़़े हे। श्रीमती रमशीला साहू ह बताइस कि भारत साल के लगभग 1700 परियोजना मन म ले श्रेष्ठ 200 परियोजना मन म छत्तीसगढ़ के ए तीन के चयन स्कॉच ग्रुप कोति ले करे गीस हे।चयन के प्रक्रिया तीन चरण म गहन समीक्षा उपरांत होथे। ए अवसर म महिला अउ बाल विकास विभाग के सचिव डॉ. एम गीता अऊ संचालक श्री राजेश सिंह राणा घलोक उपस्थित रहिन।



मुहाचाही:  छत्तीसगढ़ी भाखा के छोटे फिल्म ‘स्पिलिटिंग शोल्डर्स’ कॉन्स फिल्म फेस्टिवल बर चुने गीस