प्रेमप्रकाश पाण्डेय

आकाशीय बिजली (गाज) ले बचाव के सरल उपाय

मंत्री श्री प्रेम प्रकाश पाण्डेय ह जागरूकता लाय खातिर पोस्टर के करिस विमोचन

रायपुर, 15 जून 2018। राजस्व मंत्री अऊ राज्य आपदा प्रबंधन प्राधिकरण के उपाध्यक्ष श्री प्रेमप्रकाश पाण्डेय ह वज्रपात-आकाशीय बिजली ले बचाव बर आसान उपाय ल बतइया पोस्टर के विमोचन करिन हें। जेमां बताए गए हे कि आकाशीय बिजली ले अपन अऊ अपन सम्पति के सुरक्षा कइसे करे जा सकत हे। आकाशीय बिजली ले बांचे बर आसान सावधानी मन ल बरते के सलाह पोस्टर के माध्यम ले आम मनखे मन ल देहे गए हे। पोस्टर म बताए गए हे कि बरसात या आकाशीय गर्जना के समय घर म हें त –

  • पानी के नल, फ्रिज, टेलीफोन आदि ल झन छुवंय अऊ बिजली ले चलइया वाले सबो उपकरन मन ल बंद कर देवंय।
  • कहूं दू पहिया वाहन, साइकिल, ट्रक, खुला वाहन, नौका आदि म सवार होवंय त तुरंते उतरके सुरक्षित स्थान मन म चले जाना चाही।
  • धातु के डंडी वाले छाता के उपयोग नइ करना चाही।
  • टेलीफोन अउ बिजली के खम्भा, टेलीफोन अउ टेलीफोन टावर ले दूरिहा रहिना चाही।
  • कपड़ा सूखाए बर जूट या सूत के रस्सी के उपयोग करना चाही, तार के नइ करना चाही।
  • बिजली के चमक देखके अउर गर्जना के अवाज सुनके ऊंचा अउ एकल पेड़ के तरी नइ जाना चाही।
  • कहूं आप मन जंगल म होहू त छोटे अउ घना पेड़ मन के तरी चल दव।
  • पेंड वाले, दलदल वाले जघा अउ जल स्त्रोंत मन ले दूरिहा रहे के उदीम करना चाही।
  • परिस्थिति मुताबिक खुला आकाश म रहे ल बाध्य होना परय त उंच के जघा निचहा भुंइया कोती रहिना चाही।
  • एक संग कई आदमी सकलाना नइ चाही।
  • दू आदमी के बीच के दूरी कम से कम 15 फीट होना चाही।
  • तउंरत मनखे, मछुवारा आदि मन ल बिना देरी करे पानी ले बाहिर निकल जाना चाही।
  • कच्‍चा खेत मन म नांगर चलात, रोपा या आन काम करत किसान, तरिया म काम करत मनखे मन तुरंते सूखा अउ सुरक्षित जगा म चले जाना चाही।
  • धातु ले बने कृषि यंत्र, डंडा आदि ले दूर रहिना चाही।
  • कहूं खेत खलिहान म काम करत होवंय अऊ कोनो सुरक्षित जगा के शरण म जाना सम्भव नइ होवय त जहां हें उन्‍हें रहंय अऊ पांव के तरी सूक्‍खा चीज जइसे- लकड़ी, प्लास्टिक, बोरा या सूक्‍खा पत्ता रख लेना चाही। दूनो पांव ल आपस म सटा लेना चाही अऊ इूनों हाथ ल माड़ी म म रखके अपन मूड़ ल भुंइया कोती झुका लेना चाही, फेर मूड़ी भूंइया ले झन छुवावय।
  • गर्जना के स्थिति म भुंइया म कभू सुतना नइ चाही।
  • अपन घर अउ खेत-खलिहान मन के तीर-तखार म कम ऊंचाई वाले उन्नत किसिम के फलदार वृक्ष समूह लगावव। ऊंचा पेड़ के डारा-साखा म तांबा के एक तार लगा के भुंइया म अड़बड़ गहिर तक दबा लेना चाही तेखर से वो पेड़ सुरक्षित हो जाय।
  • कहूं सम्भव होवय त अपन घर म तडित चालक लगवा लेना चाही अऊ खुले क्षेत्र म धातु के सम्पर्क म आए ले बचना चाही।
मुहाचाही:  छत्तीसगढ़ बनिस देश के बिजनेस लीडर राज्य : छत्तीसगढ़ ल मिलीस इंडिया बिजनेस लीडरशिप स्टेट ऑफ द ईयर अवार्ड