केदार कश्यप जगदलपुर

ग्रामीण क्षेत्र के विकास म पंचायती राज संस्था मन के भूमिका महत्वपूर्णं- स्कूल शिक्षा मंत्री

जगदलपुर, 24 अप्रैल 2018। राष्ट्रीय पंचायत राज दिवस के अवसर म आज कृषि महाविद्यालय कुम्हरावंड जगदलपुर के ऑडीटोरियम म पंचायत पदाधिकारी मन के प्रशिक्षण सह कार्यशाला के आयोजन करे गीस, जेमां जिला अउ जनपद पंचायत के सदस्यगण, ग्राम पंचायत के पंच अउ संरपचगण उपस्थित रहिन। ए अवसर म पंचायत प्रतिनिधि मन ह प्रधानमंत्री श्री नरेन्द्र मोदी के भाषण के सीधा प्रसारण ल सुनिन।
स्कूल शिक्षा मंत्री श्री केदार कश्यप ह ए अवसर म जनप्रतिनिधि मन ल संबोधित करत पंचायती राज व्यवस्था के महत्व के संबंध म विस्तार ले जानकारी दीन। उमन कहिन कि त्रिस्तरीय पंचायती राज व्यवस्था के माध्यम ले पंचायत मन के सशक्तिकरण म बल दे गए हे अउ पंचायत मन के सुदृढीकरण अउ ऊंखर आय के साधन ल बढ़ाए के उदीम करे गए हे। उमन कहिन कि ग्राम के विकास म ग्राम पंचायत मन के माई भूमिका हे। उमन कहिन कि ग्रामीण क्षेत्र मन म शौचालय निर्माण के संगें-संग ग्रामीण शौचालय के उपयोग करे बर प्रेरित होहीं, ये सुनिश्चित करना ग्राम पंचायत के प्रतिनिधि मन के जिम्मेदारी हे। उमन कहिन कि गांव म सड़क, शिक्षा, स्वास्थ्य सुविधा, रोजगार, विद्युत उपलब्धता अउ आन मुलभूत सुविधा गांव वाले मन ल प्राप्त होवय ए दिशा म प्रभावी कदम शासन कोति ले उठाए जात हे। उमन कहिन कि शिक्षा के माध्यम ले ही क्षेत्र के विकास संभव हे, ए खातिर ए बात के प्रयास करे जात हे के गांव के कोनो लइका पढ़ई ले वंचित झन रहय।


मुहाचाही:  मोर घर म तुरते बनावव शौचालय - मंत्री केदार कश्‍यप