Yojana

ग्रामीण योजना मन के मॉनीटरिंग म सर्वश्रेष्ठ पहल बर छत्तीसगढ़ ल मिलीस राष्ट्रीय पुरस्कार

रायपुर, 29 जून 2018। राज्य सरकार कोति ले प्रदेश म संचालित ग्रामीण विकास योजना मन के क्रियावन्यन म मॉनिटरिंग बर सर्वश्रेष्ठ पहल करे म छत्तीसगढ़ ल राष्ट्रीय पुरस्कार मिले हे। केन्द्रीय ग्रामीण विकास मंत्रालय कोति ले नई दिल्ली के विज्ञान भवन म काल आयोजित कार्यक्रम म ये राष्ट्रीय पुरस्कार देहे गीस। केन्द्रीय ग्रामीण विकास अऊ पंचायती राज मंत्री श्री नरेन्द्र सिंह तोमर के हाथ छत्तीसगढ़ सरकार के तरफ ले ये पुरस्कार पंचायत अउ ग्रामीण विकास विभाग के सचिव श्री पी.से.मिश्रा ह ग्रहण करिन। केन्द्र सरकार ह जिला विकास समन्वय अउर निगरानी समिति मन के गठन के दू साल पूरा होए के उपलक्ष्य म ये कार्यक्रम आयोजित करे रहिस।
राज्य सरकार कोति ले गांव वाले मन के कल्याण बर चलाये जात महत्वपूर्ण कार्यक्रम मन के जिला मन म प्रभावी अउ समयबद्ध क्रियान्वयन, निगरानी अउ समन्वय बर जिलास्तर म गठित ‘जिला विकास समन्वय अउ निगरानी समिति (दिशा)’ के बैठक मन के नियमित आयोजन अउ ए दिशा म बेहतर काम बर छत्तीसगढ़ ह पूरा देश म उत्कष्ट स्थान प्राप्त करे हे। ये पुरस्कार 25 जून ले 29 जून तक आयोजित अभी हाल दिशा-सप्ताह के अंतर्गत दे गीस। मुख्यमंत्री डॉ. रमन सिंह अऊ पंचायत अउ ग्रामीण विकास मंत्री श्री अजय चंद्राकर ह छत्तीसगढ़ ल मिले राष्ट्रीय पुरस्कार म हर्ष व्यक्त करत प्रदेश के सांसद, दिशा समिति के सदस्य मन अऊ विभाग के अधिकारी-कर्मचारी मन ल बधाई अउ शुभकामना देहे हें।



मुहाचाही:  सौभाग्य योजना: छत्तीसगढ़ म अब तक 1.86 लाख ले जादा घर ल मिलीस बिजली के कनेक्शन